Matta 3:7 - Ṯarifiṯ 2020

⁷ Walakin wami iẓra Yaḥya belli aṭṭas n ȓfuqaha ḏ ifarrisiyen ḏ iṣadduqiyen tasen-d ɣares ḥima aṯen iṭehhar s waman inna-asen: "Ya ṯarwa n ifiɣeran, wi ḏawem iƹeȓmen aḏ tarewȓem zi lɣaḍab n Siḏi Arebbi iy d ɣa yasen?

Matta 3:7 Referans Kwoze

Matta 12:34

A ṯarwa ifiɣeran, mammec ɣa ṯeggem aḏ tinim awaȓ aṣebḥan u kenniw ḏ iƹeffanen? Ȓaḥeqqac aqemmum n bnaḏem issawaȓ min iǧan ḏeg wuȓ nnes.

1 Ayṯ-Salunik 1:10

Ḥima aḏ trajam Mmis iy d ɣa yasen zeg ujenna wenni iy d isekkar Arebbi zeg imettinen iƹni Ƹisa iy ḏaneɣ isenjamen zeg uɣḍab nni iy d ɣa yasen.

Ayṯ-Ruma 1:18

Fa imeḍhar-d uɣḍab n Arebbi zeg ujenna x marra ccarr ḏ ȓbaṭeȓ iy teggen yiwḏan iƹni yinni itbeṭṭaȓen lḥaqiqa s ccarr nsen.

Matta 23:33

Ay ifiɣeran! A ṯarwa n ṯfiɣerawin! Mamc ṯfekkarem aḏ tarewȓem zi lƹiqab n jahennama?

Ayṯ-Ruma 5:9

Iḏen, aqaneɣ bariʼin ȓexxu s iḏammen n Lmasiḥ, u labud zzayes iy ɣa nenjem zeg uɣḍab n Arebbi.

Matta 22:23

Ḏi nhar nni, qarrben-d ɣar Ƹisa can yiwḏan zi ȓḥizeb n iṣadduqiyen (niṯni qqaren belli iwḏan war d tekkaren ca zi ȓmewṯ).

Matta 16:6

Inna-asen Ƹisa: "Ɣarwem! Ḥḍam ixef nwem zeg untun n lʼaḥzab n ifarrisiyen ḏ iṣadduqiyen."

1 Yuḥanna 3:10

Mammec ɣa negg a nesfreq ṯarwa n Arebbi ḏ ṯarwa n Ibȓis? Qa yinni war iqqimen ca sxeddamen min iǧan nican war ǧin ca zi Arebbi. Ƹaweḏ wenni war itexsen ca umas war iǧi ca zi Arebbi.

Yuḥanna 9:40

Sȓin-as ȓebƹaḍ zeg ifarrisiyen iy iǧan ḏinni nnan-as: "Ma uȓa ḏ neccin ḏ iḍarɣaȓen niɣ?"

Iƹibraniyen 11:7

S lʼiman nnabi Nuḥ wami ḏas iƹȓem Arebbi x ṯmesȓayin nni war ṯent ẓrin yiwḏan ƹemmarṣ, ikkar netta s yijjen n ṯiggwḏi ḏ yijjen n ȓeḥya igga aɣarrabu bac aḏ isenjem ayṯbab n ṯeddarṯ nnes. Wami igga manayenni netta iƹeyyeb ddunect, iwareṯ ṣṣulḥ nni iy d itasen s lʼiman.

Ȓexḏayem 26:5

Niṯni ssnen-ayi aṭṭas zeg wami. Meȓa xsen axafi cehḏen nec ƹiceɣ ḏ afarrisi, ȓḥizeb nni iqesḥen aṭṭas ḏi ddin nneɣ.

Ȓexḏayem 20:31

Iwa iȓiṯ ƹlabal! War tettum ca nec ṯeȓt-snin iy kiḏwem kkiɣ, qqimeɣ tweṣṣiɣ mkuȓ ijjen zzaywem ǧiȓeṯ ḏ wass s imeṭṭawen inu.

Ȓexḏayem 15:5

Walakin kkaren can n ȓmuminin ȓḥizeb nsen zeg ifarrisiyen nnan: Itxeṣṣa wa labud aḏ ṭehharen yinni war iǧin ca zi Ayṯ-Israʼil, aṯen ṯweṣṣam aḏ ṭaƹen i Ccariƹa n Musa.

Ȓexḏayem 5:17

Ikkar arrayes n ȓfuqaha ḏ marra yinni kis iǧan niṯni zi ȓḥizeb n iṣadduqiyen, ḥesḏen arrusul aṭṭas.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Yuḥanna 1:24

Yinni iy ɣares d issekken niṯni zi ȓḥizeb n ifarrisiyen.

Luqa 18:11

Ibedd ufarrisi nni itẓaǧa ḏi nnefs nnes inna: Ya Arebbi tcekkareɣ-cek, minzi war ǧiɣ ca am yiwḏan nneɣni iǧan ḏ ixewwanen niɣ ḏ yinni war iǧin ca nican niɣ ḏ yinni izennan niɣ am wanita ig ijemmƹen ḍḍariba!

Luqa 16:14

Ȓḥizeb n ifarrisiyen niṯni zeg yinni itexsen tmenyaṯ, wami sȓin i marra manaya ḍeḥcen xas.

Luqa 7:30

Walakin ȓḥizeb n ifarrisiyen ḏ yinni itcerraḥen ccariƹa war xisen ca min ixes Arebbi, ugin aṯen iṭehhar Yaḥya s waman.

Marqus 12:18

Qarrben-d ɣar Ƹisa can yiwḏan zi ȓḥizeb n iṣadduqiyen (qqaren niṯni belli iwḏan war d tnekkaren ca zi ȓmewṯ). Kkaren nnan-as:

Marqus 12:13

Kkaren lḥukkam nni ssekken ɣar Ƹisa can ifarrisiyen ḏ can yiwḏan zi ȓḥizeb n uzeǧiḏ Hirudus, rzun aṯ ṭṭfen x ca n wawaȓ nnes.

Marqus 8:15

Iweṣṣa-aṭen Ƹisa inna-asen: "Cuf! Ḥḍam ixef nwem zeg untun n ȓḥizeb n ifarrisiyen ḏ untun n uzeǧiḏ Hirudus."

Matta 22:34

Kkaren ȓḥizeb n ifarrisiyen wami d arrin ȓexbar belli Ƹisa ibelleƹ aqemmum n iṣadduqiyen, ȓexddenni munen jarasen.

Matta 22:15

Kkaren ifarrisiyen mcawaren jarasen ggin ijjen n lxuṭa aḏ ṭṭfen Ƹisa x min iqqar.

Matta 12:24

Tesȓan ȓḥizeb n ifarrisiyen i wawaȓ nsen nnan-asen: "Bnaḏem-a isufuɣ jnun minzi arrayes n jnun umi qqaren Bƹalzabul yuca-as jjheḏ-a."

Matta 5:20

Aqa qqareɣ-awem: Meȓa war ṯṭiƹim ca i min iqqar Arebbi ktar zi min teggen imseȓmaḏen n ccariƹa ḏ ȓḥizeb n ifarrisiyen, ataf ƹemmarṣ aḏ taḏfem ȓmulk ujenna.

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.

Matta 15:12

Qarrben-d ɣares imeḥḍaren nnes nnan-as: "Ma ṯessneḏ belli ifarrisiyen war ḏasen iƹjib bu ȓḥaȓ wami sȓan i wawaȓ nnec?"

Matta 16:1

Usin-d ɣar Ƹisa ȓḥizeb n ifarrisiyen ḏ ȓḥizeb n iṣadduqiyen, ttaren zzayes ijjen n lƹalama ḏ ṯameqqrant zeg ujenna bac aṯ jarrben.