Matta 26:26 - Ṯarifiṯ 2020

²⁶ Wami ƹaḏ tetten, iysi-d aɣrum icekkar Arebbi irza aɣrum nni yuca-asen-ṯ i imeḥḍaren nnes inna-asen: "Ysim-ṯ ccem-ṯ, wa ig iǧan ḏ ddat inu."

Matta 26:26 Referans Kwoze

Ȓexḏayem 20:7

Ḏeg wass amezwaru n simana nmun neccin a necc aɣrum, issiweȓ Bulus ak yiwḏan. Iqqim issawaȓ aȓ uzyen n ǧiȓeṯ minzi ṯiwecca nnes inwa aḏ isafer.

1 Ayṯ-Kurinṯ 10:4

Marra niṯni swin zeg yijjen n ṯsessi ruḥiya. Liʼanna niṯni swin zeg uɣbaȓ nni n uzru ruḥiya iy ṯen iḏeffaren, aɣbaȓ nni n uzru tuɣaṯ netta ḏ Lmasiḥ.

Ȓexḏayem 2:46

Tmunen marra iḏsen mkuȓ nhar ḏi ṯemziḏa ṯameqqrant n Ayṯ-Israʼil. Tetten aɣrum marra ḏi ṯuḏrin nsen, tetten mecca s ȓefraḥeṯ ḏ ȓxaḍar nsen.

Luqa 24:30

Wami akiḏsen iqqim aḏ icc, ikkar iysi aɣrum icekkar Arebbi irzi-ṯ ibḏa ifarreq-asen-ṯ.

Marqus 6:41

Iysi xemsa nni n ṯxebbazin ḏ ṯnayen nni n iseȓman iysi ṯiṭṭawin nnes ɣar ujenna uca icekkar Arebbi. Irza aɣrum nni yuca-asen-ṯ i imeḥḍaren nnes ak ṯnayen n iseȓman nni ḥima aṯen ferqen x yiwḏan nni marra.

Matta 14:19

Yumar ȓɣaci nni aḏ qqimen x arbiƹ. Iṭṭef xemsa n ṯxebbazin nni ḏ ṯnayen n iseȓman nni, iysi ṯiṭṭawin nnes ɣar ujenna icekkar Arebbi. Irza ṯixebbazin nni x ṯnayen yuca-asen-ṯent i imeḥḍaren nnes, ȓexddenni ferqen-ṯent x yiwḏan nni marra.

Matta 26:27

Iysi-d ȓkas icekkar Arebbi yuca-asen-ṯ. Inna-asen: "Swem zzayes marra iḏwem.

Luqa 22:17

Iysi-d Ƹisa ȓkas icekkar Arebbi inna-asen: "Ysim ȓkas-a, ferqem-ṯ jarawem.