Matta 24:6 - Ṯarifiṯ 2020

⁶ Xmi ɣa ṯesȓam x lḥurub ḏ ȓexbar n lḥurub war teggwḏem ca, labud zi manaya. Walakin ddunect-a ƹaḏ war ṯfenni ca.

Matta 24:6 Referans Kwoze

Luqa 21:9

Xmi ɣa ṯesȓam x lḥuȓub ḏ lfitnaṯ war teggwḏem ca minzi ṯimesȓayin nni labud aḏ weqƹent ḏ amezwaru. Walakin ddunect-a ƹaḏ war ṯfenni ca."

Yuḥanna 14:1

"Itxeṣṣa kenniw war txeyyiqen ca wuȓawen nwem. Amneṯ zi Arebbi, amneṯ ƹaweḏ zzayi.

2 Ayṯ-Salunik 2:2

war tenxȓiƹem ca ḏeɣya ḏi ȓaƹqeȓ nwem, war txeyyaqem ca ƹlaḥsab ca n arruḥ n lwaḥi niɣ ḏ ca n wawaȓ niɣ ḏ ca n ṯebrat zzayneɣ zaƹma iqqaren qa Yum n Siḏiṯneɣ aqa yuweḍ-d.

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Matta 24:14

Lʼinjil n ȓmulk n Arebbi axas ḥeddṯen yiwḏan ḏi marra ṯimura n ddunect ḥima aɣarsen ṯiȓi chaḏeṯ xafi. Ȓexddenni iy d ɣa yas ȓefna.

Luqa 21:19

S ṣṣbar nwem ataf aḏ tnejmem.

Luqa 22:37

Aḏawem iniɣ: U labud aḏayi iwqeƹ min yurin ḏi Lkitab ƹlaḥsab mamc iqqar: <Ḥesben-ṯ ak lmujrimin.> Iwa min xafi yurin ṣafi aḏ iwqeƹ."

Matta 26:54

Walakin mammec iy ɣa ikemmeȓ wawaȓ iy inna Siḏi Arebbi belli manaya itxeṣṣa aḏ iwqeƹ ammu?"

Matta 2:3

Wami isȓa uzeǧiḏ Hirudus manaya, ixeyyeq iysi ijjen n umnus ḏ ameqqran netta ḏ imezḏaɣ n Lquds.

Lwaḥi 6:4

Ṯumma iffeɣ-d ijjen n uyis ḏ azeggwaɣ, wenni xas inyin ucin-as aḏ ikkes ssalam zi ṯmurṯ, aḏ nɣen yiwḏan ayawya. Ƹaweḏ ucin-as ijjen n ssif ḏ ameqqran.