Matta 2:7 - Ṯarifiṯ 2020

⁷ Ȓexddenni iȓaɣa-yasen-d uzeǧiḏ Hirudus s ṯnufra i yinni iqqaren lƹilem n yiṯran, isseqsa-ṯen issen zzaysen meȓmi tuɣa d imeḍhar yiṯri-ya.

Matta 2:7 Referans Kwoze

Lwaḥi 12:15

Isufeɣ-d ufiɣer zeg uqemmum nnes aman amecnaw iɣzar tazzȓen x ṯemɣarṯ ḥima at awin waman nni.

Matta 2:1

Wami d ixȓeq Ƹisa ḏeg ubilaj n Bayt Laḥm ḏi ṯmurṯ n Yahuḏiya ḏi ȓweqṯ n uzeǧiḏ Hirudus, usin-d can yiwḏan zeg yinni iqqaren lƹilem n yiṯran zi ccarq ɣar ṯendint n Lquds.

Matta 2:8

Ssenni issekk-iṯen ɣar Bayt Laḥm inna-asen: "Ruḥem ḏinni rzum mliḥ x uḥenjir nni. Xmi ṯ ɣa ṯafem, ƹeȓmem-ayi bac aḏ raḥeɣ uȓa ḏ nec aḏas sejjḏeɣ."

Matta 2:16

Wami d yarra ȓexbar Hirudus belli yinni iqqaren lƹilem n yiṯran cemṯen-ṯ, iƹeṣṣeb aṭṭas iɣḍeb. Issekk bac aḏ ineɣ iḥenjiren nni marra ḏi Bayt Laḥm ḏ nnawaḥi nnes iy ɣar ṯeǧa qell zi ƹamayen. Manaya ƹlaḥsab ȓweqṯ iy ḏasen d imeḍhar yiṯri nni i yinni iqqaren lƹilem n yiṯran.

Ȓexḏayem 24:22

Filikes netta issen mliḥ x ubriḏ-a n Ƹisa, walakin iʼejjel lḥukem nnes inna-asen: "Ḥetta aḏ d yas arrayes n ȓƹaskar Lisyas ƹaḏ iy ɣa ḥekmeɣ x manaya."