Matta 2:11 - Ṯarifiṯ 2020

¹¹ Uḏfen ṯaddarṯ nni, ufin aḥenjir nni ak yemmas Maryam, wḍan x ifadden nsen sejjḏen-as. Kksen-d ȓeknuz nsen, iƹni ddheb ḏ tbaxur lluban ḏ yijjen n ȓḥajeṯ ḏ tufuḥ qqaren-as murr, ucin-as-ṯen ḏ lhadiyaṯ.

Matta 2:11 Referans Kwoze

Luqa 2:16

Ruḥen ḏeɣya ufin Maryam ḏ Yusef ḏ useymi nni iṭṭeṣ ḏi ȓmeḏweḏ.

Matta 2:2

Nnan: "Mani iǧa uḥenjir nni iy d ixeȓqen aḏ yiȓi ḏ azeǧiḏ n Ayṯ-Israʼil? Aqa neẓra iṯri nnes ḏi ccarq, qa nusa-d aḏas nsejjeḏ."

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Matta 14:33

Uca sejjḏen-as yinni iǧan ḏi ṯɣarrabut nnan: "Ḏ ṣṣaḥ, cek ḏ Mmis n Arebbi!"

Lwaḥi 5:8

Wami iysi Lkitab-a, lmexluqaṯ nni s arbeƹa ḏ arbeƹa u ƹicrin n imɣaren nni sejjḏen-as i Yizmar. Mkuȓ ijjen zzaysen ɣares ṯgambrit ɣares ṯimejmarin ggin-ṯent s ddheb ƹemmarent s tbaxur, iƹni ḏ ṯẓaǧiṯ n ȓmuminin ṣṣaliḥin.

Luqa 2:38

Ḏi ȓweqṯ nni ṯusa-d ṯḥemmeḏ Arebbi ṯessiweȓ x uḥenjir nni ak marra yinni itrajan nhar nni ḏi ɣa ifekk Arebbi Lquds.

Matta 1:18

Fa mammec iy d ixȓeq Ƹisa Lmasiḥ. Yemmas Maryam tuɣa ṯegga lxuṭuba ak Yusef. Menbaƹd qbeȓ ma aḏ meȓcen jarasen ṯeysi aƹeddis zi Arruḥ iqeddsen.

Matta 2:10

Wami ẓrin iṯri nni farḥen aṭṭas.

Matta 12:46

Ƹaḏ issawaȓ Ƹisa ak ȓɣaci wami ɣares d tusa yemmas ḏ ayṯmas, bedden barra i ṯeddarṯ rezzun akiḏes ssiwȓen.

Yuḥanna 19:39

Yusa-d uȓa ḏ Nikudim, aryaz nni tuɣa ig iggin zziyara ijjen n ṯwaȓa s ǧiȓeṯ ɣar Ƹisa. Ȓexxu yuwi-d akiḏes ca n texliṭa ḏayes arbeƹa u ṯȓaṯin kilu n murr ḏ ukeccuḍ n lƹud teggen-t israʼiliyen i yinni immuṯen.