Matta 18:9 - Ṯarifiṯ 2020

⁹ Cek ṯiṭṭ nnec meȓa tsebbab-ac ḏi can ȓefḍiḥeṯ, qȓeƹ-it zaƹma nḍar-it. Ḥsen i cek aḏ taḏfeḏ jjenneṯ s yijjen n ṯiṭṭ zi meȓa qqiment ɣarek ṯnayen n ṯiṭṭawin aḏ tmenḍareḏ ḏi jahennama n ṯmessi.

Matta 18:9 Referans Kwoze

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Matta 18:8

Cek fus nnec niɣ ḍar nnec meȓa itsebbab-ac ḏi can ȓmuƹṣiyeṯ, qess-iṯ zaƹma nḍar-iṯ. Ḥsen i cek aḏ taḏfeḏ jjenneṯ s yijjen n ufus niɣ s yijjen n uḍar zi meȓa qqimen ɣarek ṯnayen n ifassen niɣ ṯnayen n iḍaren aḏ tmenḍareḏ ḏi ṯmessi iy war ixessin ca ƹemmarṣ.

Matta 5:29

Meȓa ṯiṭṭ nnec ṯafusiṯ tsebbab-ac ḏi can ȓefḍiḥeṯ, qȓeƹ-it zaƹma nḍar-it xak. Ḥsen i cek aḏ texsareḏ ijjen n ṭṭarf zi ddat nnec zi meȓa ṯmenḍar ddat nnec amen-ṯekmaȓ ḏi jahennama.

Matta 5:22

Walakin nec qqareɣ-awem: Marra uw ɣa iƹaṣben x wumas ataf aḏ itwaḥkem. Wenni ɣa yinin i wumas: Ay aɣyuȓ, ataf aḏ itwaḥkem ḏi lmaḥkama ṯameqqrant. Ḏ wenni ɣa yinin i wumas: Ay afɣuȓ, ataf isḏaheǧ aḏ iraḥ ɣar ṯmessi n jahennama.

Lwaḥi 21:27

War ḏinni taḏef uȓa ḏ ijjen n ṯmesȓayṯ ṯwessex niɣ ḏ ikrucaren niɣ ḏ yinni iqqaren ixerriqen. Aḏ aḏfen ḏinni ɣir yinni ɣar ǧan isemawen nsen zemmmen ḏi Lkitab n Ṯuḏarṯ n Yizmar.

Iƹibraniyen 4:11

Iḏen wa labud a negg lmejhud nneɣ bac a naḏef ḏi arraḥeṯ nni ḥima uȓa ḏ ijjen war iweṭṭi ḏi nnefs n ȓmuƹṣiyeṯ.

Marqus 9:47

Meȓa ṯiṭṭ nnec tsebbab-ac ḏi can ȓefḍiḥeṯ, qȓeƹ-it zaƹma. Ḥsen i cek aḏ taḏfeḏ jjenneṯ s yijjen n ṯiṭṭ zi meȓa qqiment ɣarek ṯnayen n ṯiṭṭawin aḏ tmenḍareḏ ḏi jahennama.

Matta 19:17

Inna-as Ƹisa: "Mayemmi iy ḏayi tesseqsiḏ x min iṣebḥan? Ɣir ijjen ig iǧan ḏ aṣebḥan. Meȓa ṯexseḏ aḏ taḏfeḏ ṯuḏarṯ n ȓebda, egg array s ȓuṣiyaṯ."

Matta 16:26

Minzi ɣa infeƹ bnaḏem meȓa irbeḥ ddunect-a qaƹ wa ixsar ȓaƹmar nnes? Min ɣa yuc bnaḏem ḏeg umcan n ȓaƹmar nnes?