22 Inna-as Ƹisa: "Lla, war iǧi bu sebƹa n ṯwaȓaṯin, aḏac iniɣ sebƹin uweṯ-it ḏi sebƹa n ṯwaȓaṯin!
Ṣbareṯ ak wayawya. Meȓa can yijjen zzaywem ɣares can lmuckil iy zzayes ɣa iceṯca x unneɣni, itxeṣṣa ijjen aḏ ismeḥ i unneɣni. Mammec ḏawem iɣfar Arebbi i kenniw, amenni iy ɣa ṯsemḥem i yiwḏan.
Kenniw xmi ɣa ṯbeddem aḏ teẓẓaǧem, meȓa ɣarwem ca n lƹadawa ak can yijjen semḥem-as ḥima Babaṯwem iǧan ḏeg ujenna aḏawem iɣfar ddnub nwem.
Marra lƹuqda ḏ uɣḍab ḏ uƹeṣṣeb ḏ sḏaƹ ḏ ȓbaṭeȓ sbeƹƹḏem-ṯen xawem marra, u kkseṯ ƹaweḏ kuȓ nnuƹ n ȓeqbaḥeṯ.
War tejja ca ccarr ac iɣȓeb, ḏ cek iy ɣa iɣeȓben ccarr s ȓxir.
Ƹeṣṣbeṯ bȓa ma aḏ teggem ȓmuƹṣiyeṯ. War tejjaṯ ca ṯfuct axawem ṯeɣȓi kenniw ƹaḏ tƹeṣṣibem.
Falihaḏa xseɣ iryazen ḏi marra imucan aḏ ẓẓaǧen aḏ ysin ifassen nsen iṣfan ɣar ujenna bȓa ma aḏ tƹeṣṣben bȓa ma aḏ tmenɣan.
Ȓaḥeqqac ȓmulk ujenna itawi-d ḏeg yijjen n uzeǧiḏ irezzu aḏ igg ȓeḥsab ak ixeddamen nnes.