Matta 15:22 - Ṯarifiṯ 2020

²² Ṯusa-d ɣares ijjen n ṯemɣarṯ zi Ayṯ-Kanƹan ṯzeddeɣ ḏinni. Traɣa ṯeqqar-as i Ƹisa: "Rḥem-ayi a Siḏi, a Mmis n Ayṯ-Dawed! Qa yeǧi ḏayes ijjen n jjenn ḏ aƹeffan itƹeddab-it aṭṭas."

Matta 15:22 Referans Kwoze

Matta 9:27

Yuyur ssenni Ƹisa, ḏfaren-ṯ ṯnayen n iḍarɣaȓen tȓaɣan qqaren: "A Mmis n Ayṯ-Dawed, rḥem-aneɣ!"

Matta 17:15

Inna-as: "A Siḏi rḥem-ayi memmi, ijjen n jjenn itƹeddab-iṯ aṭṭas. Aṭṭas n ṯwaȓaṯin itweṭṭa ḏi ṯmessi niɣ ḏeg waman.

Luqa 18:13

Walakin wenni ijemmƹen ḍḍariba ibedd ɣar ȓeggwaj. War izƹim ḥetta aḏ iysi ṯiṭṭawin nnes ɣar ujenna, iccaṯ ḏeg wuȓ nnes inna: Ya Arebbi, rḥem-ayi nec ḏ lƹaṣi!

Luqa 17:13

tȓaɣan-as s jjheḏ qqaren: "A Ƹisa a Lmuƹallim, rḥem-aneɣ!"

Matta 4:24

Iffeɣ ȓexbar nnes ḏi Surya amen-ṯekmaȓ. Tawin-d ɣares marra yinni iheȓcen tƹeddaben s lʼanwaƹ n ȓehȓacaṯ ḏ ȓeḥȓiqaṯ, mkuȓ imaryaḥen ḏ imejnunen ḏ inecrufen netta isgenfa-ṯen.

Matta 1:1

Wa ḏ lkitab n ȓejḏuḏ n Ƹisa Lmasiḥ, wenni iǧan zi ddurriṯ n Dawed ḏ Brahim.

Matta 15:23

War ḏas inni Ƹisa uȓa ḏ ijjen n wawaȓ. Qarrben ɣares imeḥḍaren nnes nnan-as: "Ṯamɣarṯ-a sufeɣ-it xaneɣ, zi ṣbaḥ nettaṯ ṯḏeffar-aneɣ ṯesɣuyiw xaneɣ."

Luqa 6:18

Usin-d ɣares ḥima aḏ sȓan i wawaȓ nnes, ƹaweḏ ḥima aṯen isgenfa zi ȓehȓacaṯ nsen. Yinni itƹeddaben s jnun ḏ iƹeffanen uȓa ḏ niṯni tgenfan.