Matta 12:14 - Ṯarifiṯ 2020

¹⁴ Ffɣen yiwḏan n ȓḥizeb n ifarrisiyen ciṭṭnen jarasen mammec ɣa ggen aḏ nɣen Ƹisa.

Matta 12:14 Referans Kwoze

Yuḥanna 11:53

Zi nhar nni tafqen ḥima aṯ nɣen.

Yuḥanna 10:39

Rezzun aṯ ṭṭfen walakin inufseȓ-asen jar ifassen nsen.

Yuḥanna 5:18

S manaya israʼiliyen rezzun ktar aṯ nɣen. War iǧi bu x ssabab n nhar n lƹibada u ṣafi, walakin ƹaweḏ xmi ḏasen iqqar belli Arebbi ḏ Babas itemsawa ixef nnes ak Arebbi.

Luqa 6:11

Niṯni min ggin? Ɣeḍben aṭṭas mcawaren jarasen min ɣa ggen i Ƹisa.

Marqus 3:6

Ȓexddenni ffɣen ȓḥizeb n ifarrisiyen munen ak yiwḏan zi ȓḥizeb n uzeǧiḏ Hirudus, mcawaren mammec iy ɣa ggen aḏ nɣen Ƹisa.

Matta 26:4

Mcawaren jarasen ḥima aḏ ṭṭfen Ƹisa s ṯeḥraymiṯ aṯ nɣen.

Yuḥanna 11:57

Arruyas n ȓfuqaha ḏ ifarrisiyen weṣṣan wenni iy ɣa iẓren mani iǧa Ƹisa, asen t yini bac aḏ raḥen aṯ ṭṭfen.

Matta 27:1

Wami iṣbaḥ ȓḥaȓ, marra arruyas n ȓfuqaha ḏ imeqqranen n Ayṯ-Israʼil mcawaren jarasen ḥima aḏ nɣen Ƹisa.

Marqus 14:1

Iqqim-as yumayen i Ȓƹiḏ Ameqqran n Ayṯ-Israʼil ḏ ȓƹiḏ nni umi qqaren Ȓƹiḏ n Ṯefḍirṯ. Arruyas n ȓfuqaha ḏ imseȓmaḏen n ccariƹa rezzun mammec ḏas ɣa ggen ḥima aḏ ṭṭfen Ƹisa s ṯeḥraymiṯ aṯ nɣen.

Luqa 22:2

Arruyas n ȓfuqaha ḏ imseȓmaḏen n ccariƹa rezzun mammec ḏas ɣa ggen ḥima aḏ nɣen Ƹisa walakin ggwḏen zi ccaƹb.

Yuḥanna 7:30

Ȓexddenni rezzun aṯ ṭṭfen, walakin war xas isers fus ḥadd zzaysen minzi ȓweqṯ nnes ƹaḏ war d tuwiḍ.

Yuḥanna 7:32

Arrin-d ȓexbar ifarrisiyen belli ȓɣaci twecwicen xas x ṯmesȓayin nni. Uca kkaren arruyas n ȓfuqaha ḏ ifarrisiyen ssekken iƹessasen bac aṯ ṭṭfen.

Yuḥanna 7:44

Ȓebƹaḍ rezzun aṯ ṭṭfen, walakin war xas isers fus ḥadd zzaysen.

Yuḥanna 8:59

Kkaren israʼiliyen nni ysin izra ḥima aṯ rejmen, walakin Ƹisa inesȓeṯ iffeɣ zi ṯemziḏa ṯameqqrant.

Yuḥanna 10:31

Israʼiliyen nni ysin-d ƹaweḏ izra aṯ rejmen.