Matta 11:6 - Ṯarifiṯ 2020

⁶ Ssaƹḏ n yinni war ḏayi itcekkin ca."

Matta 11:6 Referans Kwoze

1 Ayṯ-Kurinṯ 2:14

Bnaḏem ƹadi itagi aḏ iqbeȓ ṯimesȓayin n Arruḥ n Arebbi, ɣares manaya ḏ ṯubbuhȓiya waha. War izemmar ca aṯent ifhem, liʼanna s Arruḥ n Arebbi waḥḏes iy ṯent ɣa imeyyez.

Matta 26:31

Inna-asen Ƹisa i imeḥḍaren nnes: "Ǧiȓeṯ-a ṯanita aḏayi ṯsemḥem marra iḏwem minzi iqqar Lkitab: Aḏ uwṯeɣ wenni irassen iḥuȓiyen, kuȓ ijjen zi ṯḥimerṯ mani ɣa yarweȓ.

Yuḥanna 6:66

Zi ȓweqṯ nni semḥen ḏayes aṭṭas n imeḥḍaren nnes, war kis qqimen ca gguren akiḏes.

Matta 24:10

Aṭṭas iy ɣa ikfaren zeg yinni iy yumnen. Aḏ zzenzen ayawya, aḏ ƹiffen ayawya.

1 Buṭrus 2:8

U ƹaweḏ iqqar: Qa tenqȓaḍen ḏayes minzi ƹeṣṣan awaȓ nnes, amenni iy xasen yura.

Matta 18:7

Ya tamara n yiwḏan x ssabab n ṯmesȓayin itawin ɣar ȓmuƹṣiyeṯ. Ṯimesȓayin nni aḏ d asent, walakin ya tamara n bnaḏem nni ig iteggen manayenni!

Ayṯ-Galaṭya 5:11

Ay ayṯma, nec maƹlik ƹaḏ seȓmaḏeɣ ṭṭahareṯ n Musa zaƹma, iwa mayemmi ƹaḏ ḏayi tƹeddaben niṯni? Maƹlik labud ṭṭahareṯ-a, ataf ṣafi war itiȓi bu uḥeggar n ṣṣalib.

Luqa 2:34

Ibarek-iṯen Cimƹun inna-yas i yemmas Maryam: "Aqa wanita iggi-ṯ Siḏi Arebbi aḏ d isehwa aḏ isiȓi aṭṭas n yiwḏan ḏi Ayṯ-Israʼil. Netta ḏ ijjen n lƹalama ataf war t txisen ca,

Matta 5:29

Meȓa ṯiṭṭ nnec ṯafusiṯ tsebbab-ac ḏi can ȓefḍiḥeṯ, qȓeƹ-it zaƹma nḍar-it xak. Ḥsen i cek aḏ texsareḏ ijjen n ṭṭarf zi ddat nnec zi meȓa ṯmenḍar ddat nnec amen-ṯekmaȓ ḏi jahennama.

Matta 13:21

Wami war yuwṯi bu iẓewran mliḥ ḏeɣya tneqȓaƹen. Xmi d tasent can ȓemḥayen niɣ ḏ can uƹeddeb x ssabab n wawaȓ n Arebbi, ḏeɣya iteffeɣ abriḏ.

Marqus 6:3

Ma war iǧi ca wanita ḏ anejjar mmis n Maryam umas n Yaƹqub ḏ Yusis ḏ Yahuḏa ḏ Simƹan, suyṯmas aqaṯent ḏanita akiḏneɣ?" X manayenni war ṯ qbiȓen ca.

Luqa 7:23

Ssaƹḏ n yinni war ḏayi itcekkin ca."

Yuḥanna 16:1

"Nniɣ-awem manaya ḥima war ṯsemḥem ca ḏi lʼiman nwem.