Matta 11:23 - Ṯarifiṯ 2020

²³ Y cek, ay abilaj n Kafernaḥum! Ma tɣir-ac aḏ tgaƹƹḏeḏ ɣar ujenna? Lla, qa cek aḏ tehwiḏ ɣar Ljaḥim. Ȓaḥeqqac lmuƹjizaṯ nni iy ḏayec iweqƹen mȓi weqƹent ḏi ṯendint ṯaƹeffant nni n Sadum, iȓi ƹaḏ aqat ḏ ṯandint aȓ nhara.

Matta 11:23 Referans Kwoze

Matta 4:13

Walakin war iqqim ca ḏi Naṣira, iruḥ aḏ izḏeɣ ḏeg yijjen n ubilaj qqaren-as Kafernaḥum ig iǧan x ṭṭarf n ȓebḥar n Ljalil, jjiheṯ n ṯmurṯ n Zafulun ḏ Naftali.

Lwaḥi 11:8

Aḏ teqqim ddat nsen ḏi ccariƹ n ṯendint ṯameqqrant umi qqaren s ȓmaƹna Sadum niɣ Miṣra iƹni mani itwaṣelleb Siḏiṯsen.

Yahuḏa 1:7

Ammu ƹaweḏ iy ggin imezḏaɣ ḏi ṯendint nni n Sadum ḏ ṯendint nni n Ƹamura ḏ ibilajen nni iy ḏasent-id innḍen. Sellmen ixef nsen i lfasad ḏ ccehweṯ nni maci ṭṭabiƹi. Iƹni niṯni iggi-ṯen Arebbi ḏ lƹibra, twaƹaqben s yijjen n lƹiqab n ṯmessi war ifennin ca ƹemmarṣ.

Ȓexḏayem 2:27

War ṯsemmḥeḏ ca ḏi ȓaƹmar inu ḏi Lʼaxira, war tejjiḏ ca Lƹaḍim nnec aḏ ikiccew.

Luqa 14:11

Ȓaḥeqqac wenni isemɣaren ixef nnes, ataf aḏ yiȓi ḏ amezyan. Wenni isemzayen ixef nnes, ataf aḏ yiȓi ḏ ameqqran."

Matta 16:18

Nec ƹaweḏ aqa qqareɣ-ac: Cek ḏ Buṭrus, iƹni ḏ 'Azru.' X uzru-ya aḏ bniɣ nec jmaƹṯ n ȓmuminin inu, ṯiwwura n Ljaḥim war zzayes tiwint walu!

Matta 8:5

Wami yuḏef Ƹisa ɣar ubilaj n Kafernaḥum, yusa-d ɣares ijjen n uƹaskari ḏ ameqqran n arrumanus. Iṭaleb-iṯ

Luqa 16:23

Isiȓi ttajar ṯiṭṭawin nnes itƹeddab ḏi Ljaḥim, iẓra Brahim ḏ Liƹazar akiḏes aqaṯen ḏi ȓeggwaj.

Luqa 4:23

Inna-asen Ƹisa: "Bȓa ccekk aḏayi ṯinim ȓmaƹna-ya: Cek ay aḍbib mȓi ṯeddawiḏ, iȓi ṯeddawiḏ ixef nnec. Aḏayi ṯinim ƹaweḏ qa min nesȓa iweqƹen ḏeg ubilaj n Kafernaḥum, ȓexxu manayenni egg-iṯ uȓa ḏanita ḏi ṯmurṯ nnec."

Matta 17:24

Wami yuweḍ Ƹisa ḏ imeḥḍaren nnes ɣar ubilaj n Kafernaḥum, usin-d yinni ijemmƹen ḍḍariba i ṯemziḏa ṯameqqrant. Qarrben ɣar Buṭrus nnan-as: "Ma war itxeǧis ca lmuƹallim nwem ḍḍariba n ṯemziḏa ṯameqqrant?"

Matta 10:15

Aqa tesȓam ȓḥaqq: Ḏi Yum Lḥisab ḏ Lƹiqab aḏ yiȓi lƹiqab n ṯendint nni ktar zi lƹiqab n ṯendint ṯaƹeffant n Sadum ḏ ṯendint ṯaƹeffant n Ƹamura.

Luqa 10:15

Y cek, ay abilaj n Kafernaḥum! Ma tɣir-ac aḏ tgaƹƹḏeḏ ɣar ujenna? Lla, qa cek aḏ tehwiḏ ɣar Ljaḥim."

Ȓexḏayem 2:31

Dawed iƹȓem zi Arebbi min ɣa iweqƹen, issiweȓ x lqiyama n Lmasiḥ belli war ḏayes isemmeḥ ca ḏi Lʼaxira, war tkicciw ca ddat nnes.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

Lwaḥi 6:8

Wami xzareɣ, twaȓiɣ ijjen n uyis ḏ awraɣ, wenni xas inyin semman-ṯ Ȓmewṯ, teḏfar-iṯ Lʼaxira. Ṯemmuc-asen ssulṭa aḏ nɣen arbaƹ n imezḏaɣ n ṯmurṯ s ssif ḏ jjuƹ ḏ ṭṭaƹun ḏ ȓuḥuc n ṯmurṯ.

Lwaḥi 20:13

Ȓebḥar isellem imettinen ig icca. Ȓmewṯ ḏ Lʼaxira sellment imettinen nsent. Uca kuȓ ijjen aḏ itwaḥaseb ƹlaḥsab ȓexḏayem nnes.