Matta 11:11 - Ṯarifiṯ 2020

¹¹ Aqa tesȓam ȓḥaqq: Zi min d jjint ṯemɣarin, war iǧi ḥadd ḏ ameqqran zi Yaḥya, walakin wenni iy iǧan ḏ amezyan qaƹ ḏi ȓmulk n ujenna netta ḏ ameqqran zi Yaḥya.

Matta 11:11 Referans Kwoze

Luqa 7:28

Aqa tesȓam: Zi min d jjint ṯemɣarin war iǧi ḥadd ḏ ameqqran zi Yaḥya, walakin wenni iy iǧan ḏ amezyan qaƹ ḏi ȓmulk n Arebbi netta ḏ ameqqran zi Yaḥya."

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Yuḥanna 1:15

Icheḏ xas Yaḥya, itberraḥ inna: "Ḏ wa iy xef tuɣa ssiwȓeɣ nniɣ-awem aḏ d yas ijjen menbaƹd i nec, walakin netta imɣar xafi minzi tuɣaṯ qbeȓ ma aḏ iȓiɣ nec."

Matta 5:19

Marra uw ɣa iḥarfen ijjen n ȓuṣiyeṯ ḏ ṯamezyant zi ccariƹa, ssenni aḏ iseȓmeḏ i yiwḏan x min itegg netta, ataf aḏ yiȓi ḏ amezyan s waṭṭas ḏi ȓmulk ujenna. Walakin wenni ɣa iṭaƹen i ccariƹa igga zzayes, ssenni aḏ iseȓmeḏ i yiwḏan aḏ ggen am netta, ataf aḏ yiȓi ḏ ameqqran s waṭṭas ḏi ȓmulk ujenna.

Matta 3:11

Nec tṭehhareɣ-kenniw s waman bac aḏ tubem, walakin wenni iy d ɣa yasen menbaƹd i nec, netta ijheḏ xafi. War sḏihiǧeɣ ca aḏas ysiɣ uȓa ḏ ṯisiȓa nnes. Netta akenniw iṭehhar s Arruḥ iqeddsen ḏ yiȓesawen n ṯmessi.

Luqa 9:48

Inna-asen: "Wenni ɣa iqebȓen can uḥenjir am wanita ƹlaḥsab isem inu, axmi ḏ nec ig iqbeȓ. Wenni ḏayi iqebbȓen, ataf iqbeȓ wenni ḏayi d issekken. Minzi wenni iǧan zzaywem ḏ amezyan qaƹ, ḏ netta ig iǧan ḏ ameqqran."

1 Buṭrus 1:10

X usenjem-a wanita ssiwȓen xas lʼanbiya, iƹni arḍa nni iy tuɣa ḏawem d ɣa imeḍharen. Niṯni rezzun xas mliḥ tfettacen xas aṭṭas.

Iƹibraniyen 11:40

Tuɣa Arebbi iḏebbar-aneɣ-d i neccin zi qbeȓ ijjen n ȓḥajeṯ ḥsen bac niṯni war tiwiḍen ca ɣar uneggaru iƹni aḏ iȓin kemȓen bȓa neccin.

1 Ayṯ-Kurinṯ 15:9

Aqa nec ḏ amezyan qaƹ ḏi arrusul. War sḏihiǧeɣ ca aḏayi ȓaɣan arrasul ȓaḥeqqac tuɣa nec tƹeddabeɣ jmaƹeṯ n ȓmuminin.

1 Ayṯ-Kurinṯ 6:4

Iḏen, wami jarawem ccikayaṯ am ṯina, mayemmi ṯent ṯsersem zzaṯ i yinni war ɣar ṯeǧi ca lqima ak jmaƹeṯ n ȓmuminin?

Yuḥanna 10:41

Usin-d ɣares aṭṭas nnan, Yaḥya war iggi uȓa ḏ ijjen n lmuƹjiza, walakin marra min inna x wanita ḏ ṣṣaḥ.

Yuḥanna 3:30

U labud netta aḏ imɣar, nec aḏ neqṣeɣ."

Yuḥanna 5:35

Yaḥya yusa-d ḏ ȓefnar ireqqan itecriqen, kenniw ṯexsem aḏ tfarḥem can ȓiyyam s nnur nnes.

Yuḥanna 1:27

Ḏ netta iy d ɣa yasen menbaƹd i nec, war sḏihiǧeɣ aḏas fesyeɣ uȓa ḏ ifiȓan n ṯsiȓa nnes."

Yuḥanna 7:39

Manaya inna-ṯ x Arruḥ iqeddsen iy ɣa iqebȓen yinni zzayes yumnen. Arruḥ iqeddsen ƹaḏ war ṯiḏ yuci ca minzi Ƹisa ƹaḏ war itwarfeƹ ca.

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.

2 Timutawus 1:10

Arḍa-ya qa imeḍhar-d ȓexxu wami d imeḍhar Ƹisa Lmasiḥ wenni iy ḏaneɣ isenjamen wenni isbeṭṭȓen ȓmewṯ. Ȓexxu s ufus n Lʼinjil yuwi-d ṯuḏarṯ ɣar nnur ḏ ṯenni war ifennin ca.

Luqa 1:15

minzi aḏ yiȓi ḏ ameqqran ɣar Siḏi Arebbi. Aḏ tiȓi labud ƹemmarṣ aḏ isew aman n uḍiȓ niɣ ḏ waman n imendi. Aḏ yiȓi iƹemmar s Arruḥ iqeddsen ḥetta ḏeg uƹeddis n yemmas.

Matta 3:1

Ḏi ȓweqṯ nni imeḍhar-d Yaḥya, itṭehhar i yiwḏan s waman itbeccar-iṯen ḏi ȓexȓa n Yahuḏiya.

Matta 11:10

Ḏ Yaḥya iy xef issawaȓ Lkitab: Aqa tsekkiɣ-d ijjen n arrasul inu zzaṯec, ḥima aḏac isewjeḏ abriḏ nnec.

Matta 11:12

Zi ȓweqṯ n Yaḥya aȓ ȓexxu iwḏan temḏeḥḥasen aḏ aḏfen ḏi ȓmulk ujenna, iryazen tmenɣan bac aɣarsen yiȓi.