Matta 10:6 - Ṯarifiṯ 2020

⁶ Lla, ruḥeṯ ɣar iḥuȓiyen nni iweddaren iƹni iwḏan n Ayṯ-Israʼil.

Matta 10:6 Referans Kwoze

1 Buṭrus 2:25

Tuɣa kenniw am iḥuȓiyen itweddaren, ȓexxu ṯḏewȓem-d ɣar wenni iy kenniw irassen itkellafen zi ȓaƹmar nwem.

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 3:26

Wami ḏawem d yuca Arebbi axeddam nnes Ƹisa, ḏ amezwaru issekk-awem-ṯ-iḏ i kenniw bac akenniw ibarek, iƹni aḏ isbeƹƹeḏ mkuȓ ijjen zzaywem x ccarr nnes."

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Ȓexḏayem 26:20

Lla, tbeccareɣ ḏ amezwaru imezḏaɣ n tendint n Dimaceq, ƹaḏ ḏ imezḏaɣ n ṯendint n Lquds ḏ marra jwayeh n ṯmurṯ n Yahuḏiya, ḏ aneggaru marra yinni war iǧin ca zi Ayṯ-Israʼil. Tbeccareɣ-ṯen aḏ tuben aḏ ḏewȓen ɣar Arebbi, aḏ xeḏmen ȓexḏayem n ttuba iy iǧan n ṣṣaḥ.

Ȓexḏayem 18:6

Wami bḏan tƹarraḍen-as tbuṣaren xas, imseḥ arruḍ nnes am yijjen n chaḏeṯ xasen inna-asen: "Iḏammen nwem x yirawen nwem, qa nec tberriɣ azeǧif inu zzaywem. Ssa aȓ ṯsawent aḏ raḥeɣ ɣar yinni war iǧin ca zi Ayṯ-Israʼil."

Luqa 24:47

Aḏ beccaren marra ȓegnus ḥima aḏ tuben aḏ twaɣfarent ȓmuƹṣiyaṯ nsen s yisem n Lmasiḥ. Aḏ ibḏa manaya ḏi Lquds.

Matta 18:11

{Liʼanna Mmis n bnaḏem yusa-d aḏ inejja yinni iweddaren.}