Matta 10:5 - Ṯarifiṯ 2020

⁵ Ṯenƹac-a n iryazen issekk-iṯen Ƹisa iweṣṣa-ṯen inna-asen: "War traḥem ca ɣar ṯmura n ȓegnus. War tiḏfem bu ṯineddam n ṯmurṯ n Samarya.

Matta 10:5 Referans Kwoze

Yuḥanna 4:9

Ṯenna-as ṯemɣarṯ nni: "Cek ḏ aʼisraʼili, nec ḏ ṯasamariṯ. Mammec ḏac ṯexȓeq cek ṯettareḏ-ayi aḏ tesweḏ?" (Iwa israʼiliyen qa war temṣurufen ca ak yiwḏan n Samarya.)

Luqa 17:16

Isejjeḏ-as i Ƹisa ɣar iḍaren nnes ibḏa itcekkar-iṯ. Netta aryaz nni zi Samarya.

Ȓexḏayem 10:45

Ȓmuminin zeg Ayṯ-Israʼil iy d yusin ak Buṭrus qqimen tƹejjben wami ufin Arruḥ iqeddsen itwafeyyeḍ uȓa x yinni war iǧin ca ḏ israʼiliyen.

Luqa 9:2

Issekk-iṯen ḥima aḏ beccaren s ȓmulk n Arebbi aḏ sgenfan imehȓac.

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Yuḥanna 20:21

Inna-asen ƹaweḏ Ƹisa: "Sȓam xawem. Mammec ḏayi d issekk Baba, ammu nec akenniw ssekkeɣ."

Yuḥanna 7:35

Mseqsan israʼiliyen jarasen nnan: "Mani ɣa iraḥ wanita war ṯ ntif ca? Ma aḏ iraḥ ɣar israʼiliyen iy itemzeǧaƹen ḏi ṯmura n iyunaniyen bac aḏ iseȓmeḏ iyunaniyen?

Yuḥanna 4:5

Ikka x yijjen n ṯendint zi Samarya qqaren-as Suxar, zzaṯ i umarjeƹ nni ig yuca Yaƹqub i mmis Yusef.

Luqa 10:33

Walakin ij uṯarras zi ṯmurṯ n Ayṯ-Samarya itsafar iƹḏu-d ssenni, iẓri-ṯ iqqes-as.

Matta 4:15

<Ṯamurṯ n Zafulun ḏ ṯmurṯ n Naftali, ṯinni umi qqaren ṯamurṯ n Ljalil, x ubriḏ n ȓebḥar ḏi ccarq n yiɣzar n Lʼurdun, mani iy zeddɣen uȓa ḏ yinni war iǧin zi Ayṯ-Israʼil.

Ȓexḏayem 8:1

Wami nɣin Stifan, ijjen qqaren-as Cawul aqaṯ ḏinni iḥḍar itafeq akiḏsen. Nhar nni bḏan tƹeddaben jmaƹeṯ n ȓmuminin ḏi ṯendint n Lquds. Mesfraqen marra ȓmuminin ruḥen ɣar jwayeh n Yahuḏiya ḏ Samarya kuȓ ijjen mani iruḥ, war iqqim ḥadd ḏi Lquds illa arrusul.

Yuḥanna 8:48

Nnan-as israʼiliyen nni: "Ɣarneɣ ȓḥaqq niɣ lla meȓa nenna cek zi Samarya, ḏayek jnun?"

Yuḥanna 4:20

Ȓejḏuḏ nneɣ ƹebbḏen Arebbi ḏeg uḏrar-a, kenniw israʼiliyen ṯeqqarem qa itxeṣṣa a neƹbeḏ ḏeg umcan n Lquds."

Luqa 10:1

Menbaƹd i manaya ixḍar Siḏiṯneɣ ijjen ṯnayen u sebƹin n imeḥḍaren, issekk-iṯen ṯnayen ṯnayen izwaren-as ɣar kuȓ ṯendint ḏ umcan ig igga netta aɣarsen iraḥ.

Matta 22:3

Issekk ixeddamen nnes aḏ d ȓaɣan i yinni xef iƹareḍ ɣar umensi, walakin ugin aḏ d asen.

Marqus 6:7

Iȓaɣa-d Ƹisa x ṯenƹac n arrusul issekk-iṯen ṯnayen ṯnayen, yuca-asen ssulṭa aḏ ḥekmen x jnun iƹeffanen.

Luqa 9:1

Iȓaɣa-d Ƹisa x ṯenƹac n arrusul yuca-asen ṯizemmar ḏ ssulṭa aḏ ḥekmen x marra jnun u ƹaweḏ ḥima aḏ sgenfan ȓehȓacaṯ.

Yuḥanna 17:18

Mammec ḏayi ṯessekkeḏ cek ɣar ddunect, uȓa ḏ nec ssekkeɣ-ṯen ɣar ddunect.