Matta 10:23 - Ṯarifiṯ 2020

²³ Meȓa ƹeddben-kenniw ḏi can ṯendint, arewȓem ɣar ṯenneɣni. Aqa tesȓam ȓḥaqq: Aḏ d yas Mmis n bnaḏem, ataf kenniw ƹaḏ war ṯkemmȓem x min kenniw weṣṣiɣ ḏi ṯneddam n Ayṯ-Israʼil.

Matta 10:23 Referans Kwoze

Matta 16:28

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Ȓexḏayem 17:10

Ssenni s ǧiȓeṯ nni ayṯmaṯneɣ ssekken Bulus ḏ Silas ɣar ṯendint umi qqaren Birya. Wami uwḍen, uḏfen ɣar ṯemziḏa n Ayṯ-Israʼil.

Ȓexḏayem 8:1

Wami nɣin Stifan, ijjen qqaren-as Cawul aqaṯ ḏinni iḥḍar itafeq akiḏsen. Nhar nni bḏan tƹeddaben jmaƹeṯ n ȓmuminin ḏi ṯendint n Lquds. Mesfraqen marra ȓmuminin ruḥen ɣar jwayeh n Yahuḏiya ḏ Samarya kuȓ ijjen mani iruḥ, war iqqim ḥadd ḏi Lquds illa arrusul.

Marqus 13:26

Ȓexddenni iy ɣa ẓren Mmis n bnaḏem ihewwa-d ḏeg useynu s lƹaḍama ḏ jjheḏ nnes imɣaren.

Luqa 21:27

Ȓexddenni iy ɣa ẓren Mmis n bnaḏem ihewwa-d ḏeg useynu s lƹaḍama ḏ jjheḏ nnes imɣaren.

Luqa 18:8

Aḏawem iniɣ: Aḏasen yuc ȓḥaqq ḏeɣya. Innama, Mmis n bnaḏem nhar iy ḏi d ɣa yas, ma aḏ yaf lʼiman ḏi ṯmurṯ?"

Yuḥanna 7:1

Menbaƹd i manaya Ƹisa iggur zeg umcan ɣar umcan ḏi ṯmurṯ n Ljalil. Itbeƹƹaḏ zi ṯmurṯ n Yahuḏiya minzi israʼiliyen nni rezzun xas aṯ nɣen.

Matta 26:64

Inna-as Ƹisa: "Aqa ṯenniḏ-ṯ cek. Innama, aqa qqareɣ-awem: Zi ssa aȓ ṯsawent aḏ teẓrem Mmis n bnaḏem iqqim x ufusi n Lqawi. Aṯ ṯeẓrem ƹaweḏ ihewwa-d ak useynu n ujenna."

Matta 24:30

Uca aḏ tmeḍhar lƹalama n Mmis n bnaḏem ḏeg ujenna, ȓexddenni iy ɣa ḥeznent marra ṯiqebbaȓ n ṯmurṯ. Aḏ ẓrent Mmis n bnaḏem ihewwa-d ḏeg useynu n ujenna s lƹaḍama ḏ jjheḏ nnes imɣaren.

Ȓexḏayem 17:14

Ȓexddenni ayṯmaṯneɣ ssekken Bulus ɣar ȓebḥar, iqqim Silas ḏ Timutawus ḏi ṯendint n Birya.

Matta 25:13

Iḏen, iȓim ƹlabal ȓaḥeqqac war ṯessinem uȓa ḏ nhar nni uȓa ḏ ṯsaƹƹat nni.

Matta 24:48

Walakin axeddam nni meȓa ḏ aƹeffan inewwa belli siḏes aḏ iƹḍeȓ war d itis ca,

Matta 24:27

Aqa xmi d ɣa yas Mmis n bnaḏem ataf aḏ yiȓi amecnaw assam iy d iteffɣen zi ccarq itceƹƹaȓ ɣar lɣarb.

Matta 23:34

X manaya xzarem! Tsekkiɣ-awem-d lʼanbiya ḏ imiɣisen ḏ imseȓmaḏen. Ijjen zzaysen aṯ ṯenɣem ijjen aṯ ṯṣellbem. Ijjen zzaysen aṯ ṯuwṯem s usɣun ḏi ṯemziḏawin, ijjen axas ṯazzȓem zi ṯendint ɣar ṯendint.

Matta 4:12

Wami isȓa Ƹisa belli Yaḥya aqa itwaḥebbes, iƹqeb ɣar Naṣira ɣar ṯmurṯ n Ljalil.

Matta 2:13

Wami uyuren yiwḏan nni iqqaren lƹilem n yiṯran, ṯbedd-d ijjen n lmalaʼika n Siḏi Arebbi ḏi ṯirjiṯ ɣar Yusef ṯenna-as: "Kkar ysi aḥenjir ḏ yemmas arweȓ ɣar Miṣra, zeḏɣem ḏinni aȓ ḏac ɣa iniɣ ḏweȓ-d. Aqa azeǧiḏ Hirudus irezzu x uḥenjir-a bac aṯ ineɣ."

Ȓexḏayem 20:1

Ṯkemmeȓ ȓfawḍa nni, menbaƹd Bulus iȓaɣa-d x imeḥḍaren icejjeƹ-iṯen. Ssenni imsafaḍ xasen, iruḥ isafer ɣar lʼiqlim n Masidunya.

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 23:36

Aqa tesȓam ȓḥaqq: Marra lƹiqab-a aḏ d ihwa x yiwḏan n ȓweqṯ-a!

Matta 24:34

Aqa tesȓam ȓḥaqq: War tmettin yiwḏan n ȓweqṯ-a aȓ ɣa iwqeƹ marra manaya.