Matta 10:1 - Ṯarifiṯ 2020

¹ Iȓaɣa-d Ƹisa x ṯenƹac nni n imeḥḍaren nnes yuca-asen ssulṭa iy zi ɣa sufɣen jnun aḏ sgenfan marra ȓehȓacaṯ ḏ ȓeḥriqaṯ n yiwḏan.

Matta 10:1 Referans Kwoze

Luqa 10:19

Aqa ticceɣ-awem jjheḏ iy zi ɣa ṯƹeffsem x ifiɣeran ḏ ṯɣirḏemiwin ḏ marra jjheḏ n ȓaƹḏu, war kenniw itḍarri walu.

Luqa 24:49

Ataf minḏi kenniw iwƹeḏ Baba aḏawem ṯiḏ ssekkeɣ nec. Qqimem ḏi ṯendint-a aȓ xawem d ɣa ihwa jjheḏ zeg ujenna."

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Yuḥanna 3:27

Inna-asen Yaḥya: "War izemmar bnaḏem aɣares ṯiȓi can ṯmesȓayṯ meȓa war ḏas d tusi ca zi Arebbi.

Luqa 6:13

Wami iṣbaḥ ȓḥaȓ, iȓaɣa-d x imeḥḍaren nnes ixḍar ṯenƹac zzaysen iggi-ṯen ḏ arrusul.

Luqa 21:15

Lla, aḏawem uceɣ awaȓen ḏ ȓefhameṯ ḥima marra yinni kiḏwem itmenɣan war zemmaren ca axawem d arren.

Ȓexḏayem 19:15

Ijjen n nhar indeq-d jjenn nni aƹeffan inna-asen qa nec ssneɣ Ƹisa min iƹna, ssneɣ Bulus min iƹna, kenniw min ṯeƹnam?

Yuḥanna 17:2

Minzi ṯuciḏ-as jjheḏ x kuȓ bnaḏem ḥima aḏ yuc ṯuḏarṯ n ȓebda i marra yinni iy ḏas ṯuciḏ.

Yuḥanna 6:70

Inna-asen Ƹisa: "Nec iy kenniw ixḍaren s ṯenƹac iḏwem, walakin ijjen zzaywem ḏ Ibȓis."

Yuḥanna 3:35

Babas iƹizz xas Mmis, igga-as kuȓci ḏeg ufus nnes.

Lwaḥi 12:1

Ṯmeḍhar-d ijjen n lƹalama ḏeg ujenna ḏ ṯameqqrant, iƹni ṯamɣarṯ ṯenneḍ-as-d ṯfuct, swadday iḍaren nnes ṯaziri, x uzeǧif nnes ijjen n ttaj ḏayes ṯenƹac n yiṯran.

Matta 26:47

Yallah Ƹisa issawaȓ yuweḍ-d Yahuḏa, ijjen zi ṯenƹac nni n arrusul nnes. Yuwi-d akiḏes ȓɣaci aṭṭas ysin ȓesyuf ḏ idebbuzen. Ssekken-ṯen-d arruyas n ȓfuqaha ḏ imeqqranen n Ayṯ-Israʼil.

Matta 26:20

Ṯuweḍ-d ṯmeddiṯ, iqqim Ƹisa ak ṯenƹac n arrusul nnes ɣar missa.

Matta 19:28

Inna-asen Ƹisa: "Aqa tesȓam ȓḥaqq: Ḏi ṯuḏarṯ nneɣni xmi ɣa iqqim Mmis n bnaḏem x lƹarc nnes n lƹaḍama, uȓa ḏ kenniw ḏayi d iḏfaren aḏ teqqimem x ṯenƹac n lƹarcaṯ ḥima aḏ tḥekmem x ṯenƹac n ṯqebbaȓ n Ayṯ-Israʼil.

Matta 6:13

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Matta 4:23

Iggur Ƹisa ḏi lʼiqlim n Ljalil marra, iseȓmaḏ ḏi ṯemziḏawin n Ayṯ-Israʼil itbeccar-iṯen s Lʼinjil n ȓmulk n Arebbi isgenfa marra ȓehȓacaṯ ḏ ddiƹan n ddat ḏeg yiwḏan.

Matta 9:35

Yuyur Ƹisa ḏi marra ṯineddam ḏ ȓedcur, iseȓmaḏ ḏi ṯemziḏawin n Ayṯ-Israʼil itḥeddaṯ itbeccar s ȓmulk n Arebbi. Isgenfa marra ȓehȓacaṯ ḏ ddiƹan n ddat.

Matta 9:38

Ttareṯ zi Bab n ṯfeǧaḥṯ aḏ yarni icewwaren ḏeg umarjeƹ nnes."