Marqus 9:13 - Ṯarifiṯ 2020

¹³ Aḏawem iniɣ: Aqa Ilyas nni yusa-d, xeḏmen ḏayes min xsen mammec xas yura ḏi Lkitab."

Marqus 9:13 Referans Kwoze

Matta 11:14

U meȓa ṯexsem aḏ tfehmem, Yaḥya netta ḏ nnabi Ilyas nni iy netraja.

Ȓexḏayem 7:52

Ma injem can n nnabi war ṯ ƹeddben ca ȓejḏuḏ nwem? Niṯni nɣin uȓa ḏ lʼanbiya nni n zman iy innan qa aḏ d yas wenni iǧan ṣṣaliḥ, iƹni wenni ȓexxu ṯxeḏƹem kenniw ṯenɣim-ṯ.

Luqa 1:17

Aḏ yuyur zzaṯ i Siḏi Arebbi s yijjen n arruḥ ijheḏ am wenni n nnabi Ilyas. Aḏ ismeṣȓaḥ lwalidin ak ṯarwa nsen. Aḏ yarr yinni iƹeṣṣan ɣar ubriḏ n yinni iǧan nican ḥima aḏ isewjeḏ ccaƹb i Siḏi Arebbi aḏ iȓin wejḏen."

Marqus 9:12

Inna-asen Ƹisa: "Ḏ ṣṣaḥ itxeṣṣa aḏ d yas Ilyas ḏ amezwaru aḏ iƹḏeȓ kuȓci. Walakin mayemmi iqqar Lkitab belli itxeṣṣa-yas i Mmis n bnaḏem aḏ itwaƹeddeb, aṯ ƹiffen?

Marqus 9:14

Ƹisa ḏ yinni akiḏes dewȓen-d ɣar imeḥḍaren ufin ḏinni ȓɣaci ḏ ameqqran munen-d xasen. Ufin ƹaweḏ can imseȓmaḏen n ccariƹa tmenɣan ak imeḥḍaren nni.