Marqus 8:34 - Ṯarifiṯ 2020

³⁴ Iȓaɣa-d x imeḥḍaren nnes ḏ ȓɣaci inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes minxef ɣa iƹeddeb aḏayi iḏfar.

Marqus 8:34 Referans Kwoze

Matta 10:38

Wenni itagin aḏ iysi ṣṣalib nnes aḏayi iḏfar nec, ataf war ḏayi isḏiheǧ ca.

Yuḥanna 10:27

Iḥuȓiyen inu tesȓan ɣar ṣṣut inu, ssneɣ-ṯen niṯni ḏeffaren-ayi.

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

1 Yuḥanna 3:16

S minzi iy ɣa nessen ȓemḥibbeṯ? Minzi Siḏiṯneɣ iṣeddeq xaneɣ ixef nnes. U ammu ƹaweḏ iy ɣa niȓi newjeḏ a nṣeddeq ixef nneɣ x ayṯmaṯneɣ.

Matta 16:24

Ssenni issiweȓ Ƹisa ak imeḥḍaren nnes inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes aḏayi iḏfar.

Ayṯ-Filippas 3:10

Rezzuɣ aḏ ssneɣ Lmasiḥ ḏ jjheḏ nnes wami d ikkar zi ȓmewṯ. Aḏ ssneɣ ƹaweḏ ṯamƹacarṯ nni xmi ɣa ncarec akiḏes s uƹeddeb nni iy xas ikkin netta, a neḏweȓ amecnaw netta s ȓmewṯ nnes.

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Luqa 9:23

Ṯumma inna-asen i marra iwḏan nni: "Wenni ixsen aḏayi iḏfar nec, labud aḏ ismeḥ ḏeg yixef nnes, labud kuȓ nhar aḏ ikessi ṣṣalib nnes minxef ɣa iƹeddeb aḏayi iḏfar.

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

Ayṯ-Filippas 3:7

Walakin x ssabab n Lmasiḥ min ḏayi ineffƹen qbeȓ, ȓexxu ḥessbeɣ-ṯ ḏ ṯaxṣarṯ.

1 Buṭrus 4:1

Fa Ƹisa Lmasiḥ itwaƹeddeb ḏi ddat nnes. X manaya ƹaweḏ kenniw aḏ tesjehḏem ixef nwem s array nni nnes. Mayemmi? Meȓa ṯetwaƹeddbem ḏi ddat nwem, ṣafi ṯbeƹƹḏem ƹaweḏ x ȓmuƹṣiyeṯ.

Ayṯ-Galaṭya 6:14

Walakin nec ƹemmarṣ aḏ ftaxareɣ illa zi ṣṣalib n Siḏiṯneɣ Ƹisa Lmasiḥ. Zi ṣṣalib nnes iy zi ṯetwaṣelleb ddunect i nec, u zzayes ƹaweḏ nec iy zi twaṣellbeɣ i ddunect.

1 Ayṯ-Kurinṯ 15:31

Ay ayṯma, twajaheɣ ȓmewṯ kuȓ nhar! Qqareɣ-awem manaya s lʼiftixar-a iy ɣari ḏaywem ƹlaḥsab ṯuḏarṯ-a nneɣ iy ɣarneɣ ḏ icten ak Siḏiṯneɣ Ƹisa Lmasiḥ.

Ayṯ-Ruma 6:6

Neccin nessen belli nnefs nneɣ tuɣa ṯeǧa qbeȓ, nettaṯ iƹni, twaṣelleb ak Lmasiḥ ḥima aḏ tbeṭṭeȓ nnefs nneɣ iccuren s ȓmuƹṣiyaṯ, bac war netɣimi ca ssa aȓ ṯsawent ƹaḏ ḏ isemɣan n ȓmuƹṣiyeṯ.

Luqa 14:33

Amenni ƹaweḏ war izemmar ca uȓa ḏ ijjen zzaywem aḏ yiȓi ḏ ameḥḍar inu illa meȓa ismeḥ ḏi marra min ɣares.

2 Buṭrus 1:14

Qa ssneɣ belli ḏeɣya nec aḏ semḥeɣ ḏi ddat inu minzi ammu iy tuɣa ḏayi isefhem mliḥ zi qbeȓ Siḏiṯneɣ Ƹisa Lmasiḥ.

1 Buṭrus 4:13

Lla, itxeṣṣa kenniw aḏ tfarḥem wami ṯcarrcem ḏeg uƹeddeb n Lmasiḥ bac aḏ tfarḥem ƹaweḏ aṭṭas xmi d ɣa ṯmeḍhar lƹaḍama nnes.

Titus 2:12

Arḍa-ya itrebba-yaneɣ a nenkar ccarr ḏ ccehawaṯ n ddunect-a, a nƹic ḏi zman-a a neḥkam x ṯnefsiyṯ nneɣ aḏayneɣ yiȓi lmaƹqul ḏ lʼiman

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Luqa 18:22

Ƹisa wami isȓa i wawaȓ nnes inna-as: "Qa ṯeqqim-ac ijjen n ȓḥajeṯ war t ṯeggiḏ ca. Ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ȓkenz ḏeg ujenna, ȓexddenni araḥ-d cek ḏfar-ayi-d."

Luqa 13:24

"Ggeṯ mamc ɣa ṯaḏfem zi ṯewwarṯ iḥṣaren. Aḏawem iniɣ: Aṭṭas n yiwḏan ataf aḏ rzun aḏ aḏfen walakin war zemmaren.

Matta 27:32

Ffɣen ssenni ȓƹaskar ufin ijjen n uryaz qqaren-as Simƹan zi ṯendint n Lqurina, ggin xas s bezzez aḏ yarbu ṣṣalib n Ƹisa.

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

Iƹibraniyen 13:13

X manaya a nraḥ ɣar Ƹisa ɣar ȓeggwaj n iqiḍan a narbu aḥeggar nni iy xef iṣbar netta.

2 Ayṯ-Salunik 3:11

Liʼanna netsȓa belli ḏinni ȓebƹaḍ zzaywem tbaƹen farq-ccɣeȓ. War xeddmen ca ccɣuȓaṯ nsen, niṯni taḏfen ḏi ccɣuȓaṯ n midden waha.

1 Ayṯ-Kurinṯ 9:19

Waxxa nec war ɣari bu bab inu, walakin arriɣ ixef inu ḏ ismeɣ zaƹma i marra bac aḏ rebḥeɣ aṭṭas n zziyada n yiwḏan.

1 Ayṯ-Kurinṯ 8:13

X manaya meȓa lmakla inu ṯɣeṭṭeȓ uma ḏi ȓmuƹṣiyeṯ, ataf ƹemmarṣ aḏ cceɣ aysum ƹaweḏ ḥima war ɣeṭṭȓeɣ ca uma.

Yuḥanna 19:17

Iffeɣ Ƹisa yarbu ṣṣalib s yixef nnes iruḥ ɣar yijjen n umcan qqaren-as S wawaȓ n israʼiliyen qqaren-as

Luqa 20:45

Inna-asen Ƹisa i imeḥḍaren nnes u marra ccaƹb itesȓa-yas:

Marqus 10:21

Ixzar ɣares Ƹisa yuḏef-as ɣar wuȓ nnes inna-as: "Qa ṯeqqim-ac ijjen n ȓḥajeṯ war t ṯeggiḏ ca." Inna-as: "Ruḥ zenz marra min ɣarek ḏ agȓa ṣeddeq-iṯ x ȓmusakin aɣarek yiȓi ȓkenz ḏeg ujenna, ȓexddenni araḥ-d cek ḏfar-ayi-d."

Marqus 7:14

Iȓaɣa-d Ƹisa ƹaweḏ x ȓɣaci-ya inna-asen: "Ṣennṭeṯ ɣari marra iḏwem, fehmeṯ: