Marqus 6:41 - Ṯarifiṯ 2020

⁴¹ Iysi xemsa nni n ṯxebbazin ḏ ṯnayen nni n iseȓman iysi ṯiṭṭawin nnes ɣar ujenna uca icekkar Arebbi. Irza aɣrum nni yuca-asen-ṯ i imeḥḍaren nnes ak ṯnayen n iseȓman nni ḥima aṯen ferqen x yiwḏan nni marra.

Marqus 6:41 Referans Kwoze

Matta 14:19

Yumar ȓɣaci nni aḏ qqimen x arbiƹ. Iṭṭef xemsa n ṯxebbazin nni ḏ ṯnayen n iseȓman nni, iysi ṯiṭṭawin nnes ɣar ujenna icekkar Arebbi. Irza ṯixebbazin nni x ṯnayen yuca-asen-ṯent i imeḥḍaren nnes, ȓexddenni ferqen-ṯent x yiwḏan nni marra.

Marqus 7:34

Iysi ṯiṭṭawin nnes ɣar ujenna issuḥreṯ inna: "Ifataḥ!" (Awaȓ-a ixes aḏ yini twarzmen.)

Luqa 24:30

Wami akiḏsen iqqim aḏ icc, ikkar iysi aɣrum icekkar Arebbi irzi-ṯ ibḏa ifarreq-asen-ṯ.

Luqa 9:16

Ikkar iṭṭef xemsa nni n ṯxebbazin ḏ ṯnayen nni n iseȓman, iysi ṯiṭṭawin nnes ɣar ujenna uca icekkar Arebbi. Irza aɣrum nni yuca-asen-ṯ i imeḥḍaren nnes ḥima aṯ ferqen x yiwḏan nni marra.

1 Ayṯ-Kurinṯ 10:31

Iḏen, meȓa ṯsessem niɣ tettem niɣ min ma teggem, ggeṯ marra manayenni bac aḏ itwasemɣar Arebbi.

Yuḥanna 17:1

Wami issiweȓ Ƹisa x manaya, iysi ṯiṭṭawin nnes ɣar ujenna inna: "A Baba, ṯuweḍ-d ȓweqṯ. Semɣar Mmic ḥima ac isemɣar.

Yuḥanna 11:41

Uca niṯni sbeƹƹḏen azru nni. Iysi Ƹisa ṯiṭṭawin ɣar ujenna inna: "Tcekkareɣ-cek a Baba ṯestajbeḏ-ayi.

Marqus 14:22

Wami ƹaḏ tetten, iysi-d aɣrum icekkar Arebbi irza aɣrum nni yuca-asen-ṯ i imeḥḍaren nnes inna-asen: "Ysim-ṯ, ḏ wa ig iǧan ḏ ddat inu."

Ayṯ-Kulus 3:17

Marra min teggem s wawaȓen niɣ s lḥasanaṯ, itxeṣṣa aḏ teggem manaya marra ƹlaḥsab isem n Siḏiṯneɣ Ƹisa azzayes tcekkarem Arebbi Babaṯneɣ.

Ayṯ-Ruma 14:6

Wenni itwaȓan ijjen n nhar mubarak zeg unneɣni aḏ igg manaya bac aḏ iweqqar Siḏi Arebbi. Wenni itetten zi marra lmakla qa itett bac aḏ iweqqar Siḏi Arebbi liʼanna aḏ icekkar Arebbi. Wenni war itetten ca zi marra lmakla qa itegg manaya ḥima aḏ iweqqar Siḏi Arebbi, uȓa ḏ netta aḏ icekkar Arebbi.

Yuḥanna 6:23

Ssenni usint-id ṯɣarruba nneɣni zi ṯendint n Ṭabarya ɣar umcan nni mani ccin aɣrum nni mani icekkar Ƹisa Arebbi.

Yuḥanna 6:11

Iysi-d Ƹisa aɣrum nni icekkar Arebbi, ifreq-iṯ i yinni iy ḏinni iqqimen. Ammu igga uȓa i iseȓman, ucin-asen ƹlaḥsab min rezzun.

Matta 26:26

Wami ƹaḏ tetten, iysi-d aɣrum icekkar Arebbi irza aɣrum nni yuca-asen-ṯ i imeḥḍaren nnes inna-asen: "Ysim-ṯ ccem-ṯ, wa ig iǧan ḏ ddat inu."

Matta 15:36

Iṭṭef sebƹa nni n ṯecnifin ḏ iseȓman nni, icekkar Arebbi. Irzi-ṯen yuci-ṯen i imeḥḍaren nnes, imeḥḍaren nnes ferqen-ṯen x ȓɣaci nni.

Ȓexḏayem 27:35

Wami inna awaȓ-a, ikkar iysi-d aɣrum icekkar Arebbi zzaṯsen marra, irez-iṯ ibḏa itett-iṯ.

Marqus 6:40

Ȓexddenni qqimen ḏ lfirqaṯ xemsin xemsin, miyya miyya.

Marqus 6:42

Ccin jjiwnen marra.

Marqus 8:19

Wami rziɣ xemsa nni n ṯecnifin i xemsaȓaf nni n yiwḏan, mecḥaȓ n ṯeqrabin iy ṯeccurem s iȓeqquzen iceṭṭen?" Nnan-as: "Ṯenƹac n ṯeqrabin."