Marqus 14:1 - Ṯarifiṯ 2020

¹ Iqqim-as yumayen i Ȓƹiḏ Ameqqran n Ayṯ-Israʼil ḏ ȓƹiḏ nni umi qqaren Ȓƹiḏ n Ṯefḍirṯ. Arruyas n ȓfuqaha ḏ imseȓmaḏen n ccariƹa rezzun mammec ḏas ɣa ggen ḥima aḏ ṭṭfen Ƹisa s ṯeḥraymiṯ aṯ nɣen.

Marqus 14:1 Referans Kwoze

Yuḥanna 13:1

Qbeȓ i Ȓƹiḏ Ameqqran, netta Ƹisa issen qa ȓweqṯ nnes ṯuweḍ-d aḏ imutti zi ddunect-a ɣar Babas. Netta iḥibb yinni iǧan akiḏes ḏi ddunect, iḥibb-iṯen aȓ uneggaru.

Yuḥanna 11:47

Munen arruyas n ȓfuqaha ḏ ifarrisiyen ak Jmaƹṯ n lḥukkam n Ayṯ-Israʼil nnan: "Min ɣa negg? Qa aryaz-a itegg aṭṭas n lmuƹjizaṯ.

Matta 12:14

Ffɣen yiwḏan n ȓḥizeb n ifarrisiyen ciṭṭnen jarasen mammec ɣa ggen aḏ nɣen Ƹisa.

Matta 6:2

Ƹlaḥsab manaya, xmi ɣa ṯṣeddqeḏ i can n yijjen, war zzayes tberraḥ ca ḏi ȓbuq amecnaw mammec teggen lmunafiqin ḏi ṯemziḏawin ḏ znaqi bac azzaysen semɣaren yiwḏan. Aqa tesȓam ȓḥaqq: War ɣarsen itiȓi bu lʼajar.

Marqus 14:2

Nnan jarasen: "Itxeṣṣa war ṯ nteṭṭef ca ḏi Ȓƹiḏ ḥima ccaƹb war itegg ca lfawḍa."

Marqus 14:12

Nhar amezwaru n Ȓƹiḏ n Ṯefḍirṯ, nhar nni iy ḏi ɣarrṣen i ȓƹiḏ, sseqsan imeḥḍaren Ƹisa nnan-as: "Mani ṯexseḏ a nraḥ aḏac nsewjeḏ amensi n Ȓƹiḏ Ameqqran?"

Ȓexḏayem 12:4

Iṭṭef-iṯ iggi-ṯ ḏi ȓeḥbes, isellem-iṯ i arbeƹa n lfirqaṯ n ȓƹaskar aṯ ḥḍan, mkuȓ lfirqa ḏayes arbeƹa. Inwa axas iḥkem zzaṯ i ccaƹb menbaƹd i Ȓƹiḏ Ameqqran.