Marqus 13:13 - Ṯarifiṯ 2020

¹³ Akenniw ƹiffen marra iwḏan ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

Marqus 13:13 Referans Kwoze

Matta 10:22

Akenniw ƹiffen marra ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

Matta 24:13

Walakin wenni ɣa iṣbaren ɣar uneggaru ataf aḏ injem.

Luqa 6:22

Ssaƹḏ nwem meȓa tƹiffan-kenniw yiwḏan, war kenniw qebȓen ssawaȓen ḏaywem s ȓƹib, tzawaren-kenniw ƹlaḥsab Mmis n bnaḏem.

Ayṯ-Galaṭya 6:9

Iwa itxeṣṣa war ntiḥeȓ ca ḏi ȓexḏayem n ȓxir. Mayemmi? Ȓaḥeqqac aȓ ȓweqṯ nni nican n umjar a nemjar iƹni meȓa war nefciȓ ca.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

Yuḥanna 15:21

Niṯni teggen-awem manaya marra x ssabab n yisem inu minzi war ssinen ca wenni iy ḏayi d issekken.

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

Iƹibraniyen 10:39

Walakin neccin maci zeg yinni itƹeqaben ɣar ḏeffar bac a nefna; Lla, neccin zeg yinni itamnen a nsenjem ȓaƹmar nneɣ.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

Yuḥanna 17:14

Ssiwḍeɣ-asen awaȓ nnec i imeḥḍaren inu, niṯni ƹiffen-ṯen yiwḏan minzi war ǧin ca zi ddunect-a amecnaw nec war ǧiɣ ca zi ddunect.

Luqa 21:17

Akenniw ƹiffen marra iwḏan ƹlaḥsab isem inu.

Matta 24:9

Ssenni akenniw sellmen yiwḏan ḥima akenniw ƹeddben, akenniw nɣen. Marra dduwal akenniw ƹiffen ƹlaḥsab isem inu.

Lwaḥi 3:10

Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

1 Yuḥanna 3:13

Iwa a ayṯma, war tƹejjibem ca wami ddunect-a tƹiffa-kenniw.

Marqus 13:12

Umas aḏ isellem umas i ȓmewṯ. Babas aḏ isellem mmis. Ṯarwa aḏ raḥen ḍed i lwalidin nsen, aṯen sellmen i yinni iy ṯen ɣa nɣen.