Marqus 12:1 - Ṯarifiṯ 2020

¹ Ibḏa Ƹisa issawaȓ akiḏsen s ȓemƹani inna-asen: "Ijjen n ssiyyed iẓẓu aḍiȓ ḏeg yijjen n umarjeƹ nnes. Inneḍ-as-d ȓḥiḍ, igga ḏayes ṯasirṯ uḍiȓ. Ibna ḏayes ijjen n ṯsumƹeṯ i ȓƹasseṯ. Ijja ḏayes ixemmasen ṣafi iruḥ isafar.

Marqus 12:1 Referans Kwoze

Marqus 13:34

Nhar nni aḏ yiȓi am yijjen n ssiyyed irezzu aḏ isafer. Iffeɣ zi ṯeddarṯ nnes, ixeddamen nnes ikellef-iṯen x wagȓa nnes kuȓ ijjen x ȓxeḏmeṯ nnes. Iweṣṣa aƹessas n ṯewwarṯ aḏ iqqim ifaq.

Marqus 4:2

Iseȓmaḏ-asen aṭṭas n ṯmesȓayin s ȓemƹani. Inna-asen ḏeg useȓmeḏ nnes:

Matta 25:14

Nhar nni aḏ yiȓi am yijjen n ssiyyed irezzu aḏ isafer. Iȓaɣa-d i ixeddamen nnes ikellef-iṯen x wagȓa nnes.

Ȓexḏayem 7:38

Ḏ netta Musa iy igguren ak jmaƹeṯ n Ayṯ-Israʼil ig imunen ḏi ṣṣaḥra. Ḏ netta mikeḏ ṯessiweȓ lmalaʼika x uḏrar n Sina ḏ ȓejḏuḏ nneɣ. Ḏ netta iy xef d hwan wawaȓen iddaren ḥima aḏaneɣ ṯen yuc.

Luqa 19:12

Inna-asen: "Ijjen n ssiyyed lʼaṣel nnes zeg imeqqranen isafar zi ṯmurṯ nnes ɣar yijjen n ṯmurṯ ṯiggwej ḥima aḏ iysi tesriḥ aḏ iḏweȓ aḏ iḥkem x ṯmurṯ nnes.

Luqa 15:13

Wami ƹḏun cwayt n wussan, aḥenjir nni amezyan iysi marra min ɣares ḏ agȓa iruḥ ɣar yijjen n ṯmurṯ ṯiggwej isperḏer ḏinni tmenyaṯ nnes ḏi teflayes.

Luqa 8:10

Inna-asen: "Itwasmeḥ i kenniw aḏ tessnem min inuffaren ḏi ȓmulk n Arebbi, walakin i yiwḏan nneɣni lla. Ssawaȓeɣ akiḏsen s ȓemƹani ḥima aḏ xzaren walakin war twiȓin ca, ḥima aḏ sȓen walakin war fehhmen i ca.

Matta 21:28

"Min ḏawem imeḍharen? Ijjen n bnaḏem ɣares ṯnayen n ṯarwa nnes. Iruḥ ɣar umezwaru inna-as: A mmi, ruḥ aḏ txeḏmeḏ nhara ḏeg umarjeƹ inu uḍiȓ.

Luqa 22:9

Nnan-as: "Mani ṯexseḏ a nraḥ aṯ nsewjeḏ?"

Matta 13:3

Iqqar-asen aṭṭas n ṯmesȓayin s ȓemƹani inna-asen: "Ṣennṭeṯ! Iffeɣ ufeǧaḥ aḏ izreƹ.

Matta 21:33

"Ṣennṭeṯ i yijjen n ȓmaƹna nneɣni. Ijjen n bab n ṯeddarṯ iẓẓu aḍiȓ ḏeg yijjen n umarjeƹ nnes. Inneḍ-as-d ȓḥiḍ, igga ḏayes ṯasirṯ uḍiȓ. Ibna ḏayes ijjen n ṯsumƹeṯ i ȓƹasseṯ. Igga ḏayes ixemmasen iruḥ isafar.

Matta 21:34

Wami d yuweḍ ȓweqṯ n uȓqeḍ n uḍiȓ, ikkar issekk ixeddamen nnes ɣar ixemmasen nni bac aḏas d ucen ȓḥaqq nnes n uḍiȓ.

Marqus 3:23

Iȓaɣa-d xasen Ƹisa issiweȓ akiḏsen s ȓemƹani inna-asen: "Mammec igga Cciṭan aḏ isufeɣ Cciṭan?

Marqus 11:33

Uca nnan-as i Ƹisa: "Neccin war nessin ca." Indeq-d Ƹisa inna-asen: "Iwa uȓa ḏ nec war ḏawem qqareɣ ca manis ḏayi d ṯekka ssulṭa-ya iy zi teggeɣ ṯimesȓayin-a."