Marqus 10:21 - Ṯarifiṯ 2020

²¹ Ixzar ɣares Ƹisa yuḏef-as ɣar wuȓ nnes inna-as: "Qa ṯeqqim-ac ijjen n ȓḥajeṯ war t ṯeggiḏ ca." Inna-as: "Ruḥ zenz marra min ɣarek ḏ agȓa ṣeddeq-iṯ x ȓmusakin aɣarek yiȓi ȓkenz ḏeg ujenna, ȓexddenni araḥ-d cek ḏfar-ayi-d."

Marqus 10:21 Referans Kwoze

Lwaḥi 2:4

Walakin ƹeyybeɣ xac wami ṯsemḥeḏ ḏi ȓemḥibbeṯ nnec ṯamezwarut.

Yaƹqub 2:10

Liʼanna wenni ixeddmen ḏi Ccariƹa-ya marra, meȓa ixḍa ɣir ḏeg yijjen n ȓuṣiyeṯ nnes ataf netta ixḍa ḏi ccariƹa amen-ṯekmaȓ.

Ȓexḏayem 2:45

Znuzan agȓa nsen ḏ ȓeḥwayej nsen, ferrqen x mkuȓ ijjen min iḥḏaj.

Luqa 18:22

Ƹisa wami isȓa i wawaȓ nnes inna-as: "Qa ṯeqqim-ac ijjen n ȓḥajeṯ war t ṯeggiḏ ca. Ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ȓkenz ḏeg ujenna, ȓexddenni araḥ-d cek ḏfar-ayi-d."

Matta 16:24

Ssenni issiweȓ Ƹisa ak imeḥḍaren nnes inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes aḏayi iḏfar.

Lwaḥi 2:20

Walakin ƹeyybeɣ xac wami ṯejjiḏ Izabil ṯamɣarṯ tarra ixef nnes ḏ nnabiya. Ṯxeddeƹ lƹibad inu, ṯseȓmaḏ-iṯen aḏ fesḏen, aḏ ccen zi dbiḥeṯ itqeddamen i l'aṣnam.

Lwaḥi 2:14

Walakin ƹeyybeɣ xac can ṯmesȓayin wami akiḏec can iwḏan iy tbaƹen ttaƹlim n Balƹam. Netta tuɣa iseȓmaḏ-as i Barak mammec ɣa igg ṯaxcebṯ i Ayṯ-Israʼil bac aḏ ccen dbiḥeṯ itqeddamen i lʼaṣnam aḏ fesḏen.

Iƹibraniyen 10:34

Liʼanna imeḥbas qqimen ḏaywem ḏeg wuȓ. Ƹaweḏ ṯeṣbarem s ȓefraḥeṯ wami ḏawem kksin agȓa nwem, tuɣa tessnem ƹaḏ aɣarwem yiȓi ijjen n wagȓa ḥsen zeg unneɣni, itduman.

Luqa 12:33

Zenzeṯ agȓa nwem, ṣeddqem-ṯ. Ggeṯ ṯicemmusin n tmenyaṯ iy war ifennin ca niṯenti ḏ ijjen n ȓkenz ḏeg ujenna war iqeṭṭin ca. War itqarrib ca ḏinni uceffar, ṯikeccawin war ṯ tettent ca.

Marqus 8:34

Iȓaɣa-d x imeḥḍaren nnes ḏ ȓɣaci inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes minxef ɣa iƹeddeb aḏayi iḏfar.

Luqa 19:41

Wami ƹȓayen aḏ yaweḍ ɣar ṯendint n Lquds, iẓri-t ibḏa itru xas.

Luqa 9:23

Ṯumma inna-asen i marra iwḏan nni: "Wenni ixsen aḏayi iḏfar nec, labud aḏ ismeḥ ḏeg yixef nnes, labud kuȓ nhar aḏ ikessi ṣṣalib nnes minxef ɣa iƹeddeb aḏayi iḏfar.

Matta 19:21

Inna-as Ƹisa: "Meȓa ṯexseḏ aḏ teggeḏ kuȓci nican, ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ijjen n ȓkenz ḏeg ujenna, ȓexddenni araḥ-d cek ḏfar-ayi-d."

2 Ayṯ-Kurinṯ 12:15

Nec s ȓefraḥeṯ aḏ hḏiɣ ixef inu aḏ twahḏiɣ ƹlaḥsab ȓaƹmar nwem. Meȓa texseɣ-kenniw aṭṭas, ma ṯesneqṣem ȓemḥibbeṯ nwem xafi?

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Luqa 16:9

Nec aḏawem iniɣ: Ggem imeddukaȓ zi ȓewsex n ddunect-a. Ataf xmi ɣa itwaqḍa aḏ twaqebȓem ḏi ṯuḏrin n ȓebda.

2 Timutawus 3:12

Ḏ ṣṣaḥ, marra wenni iy irezzun aḏ iƹic s lʼiman iǧan ḏi Ƹisa Lmasiḥ qa aḏ itwaƹeddeb.

Marqus 10:22

Wami isȓa i manayenni iruḥ ixeyyeq aṭṭas ȓaḥeqqac ɣares aṭṭas n wagȓa.