Marqus 10:14 - Ṯarifiṯ 2020

¹⁴ Iẓra Ƹisa manaya, war ḏas iƹjib bu ȓḥaȓ inna-asen: "Jjem iḥenjiren imezyanen aɣari d asen. War ḏasen tƹarraḍem ca ȓaḥeqqac ȓmulk n Arebbi itiȓi ɣar yinni iy iǧan am yina.

Marqus 10:14 Referans Kwoze

Matta 19:14

Ikkar Ƹisa inna-asen: "Jjem iḥenjiren imezyanen aɣari d asen. War ḏasen tƹarraḍem ca ȓaḥeqqac ȓmulk ujenna itiȓi ɣar yinni iy iǧan am yina."

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Matta 18:4

Wenni isemzayen ixef nnes amecnaw aḥenjir-a, ḏ netta iy ɣa yiȓin ḏ ameqqran qaƹ ḏi ȓmulk ujenna.

1 Buṭrus 2:2

Iȓiṯ am iḥḍiḍen, sɣuyiweṯ x uɣi nni iṣfan n Arruḥ iqeddsen bac azzayes ṯemɣarem ḏi lʼiman nwem ig isenjamen.

2 Timutawus 3:15

Aqa zi ṯemẓi nnec ṯessneḏ ƹaweḏ Ṯira iǧan Muqeddsin zemmarent ac d arrent ḏ miɣis ƹlaḥsab mamc iy ɣa ṯnejmeḏ s lʼiman nni iy iǧan ḏi Ƹisa Lmasiḥ.

Lwaḥi 14:5

Ƹemmarṣ war sxerriqen, niṯni aqaṯen bȓa ȓƹib.

2 Timutawus 1:5

Ƹeqȓeɣ x lʼiman nnec bȓa nnifaq wenni iǧan ḏ amezwaru ḏi ḥennac Lwiza ḏ yemmac Anisa. Ȓexxu teyyqeɣ ḏ ṣṣaḥ belli aqaṯ ḏayec uȓa ḏ cek.

Ayṯ-Ufasus 4:26

Ƹeṣṣbeṯ bȓa ma aḏ teggem ȓmuƹṣiyeṯ. War tejjaṯ ca ṯfuct axawem ṯeɣȓi kenniw ƹaḏ tƹeṣṣibem.

1 Ayṯ-Kurinṯ 14:20

Lla ay ayṯma, war tfekkareṯ ca am iḥenjiren imezyanen. Iȓiṯ am iseyman ḏi ccarr; iȓiṯ am imeqqranen ƹlaḥsab ȓaƹqeȓ.

1 Ayṯ-Kurinṯ 7:14

Cuf, aryaz maci ḏ ȓmumen aqaṯ swadday i lƹinaya n Arebbi s ṯemɣarṯ nnes. Ṯamɣarṯ maci ḏ ȓmumna aqat swadday i lƹinaya n Arebbi s uryaz nnes. Meȓa maci amenni, ṯarwa nwem aḏ iȓin s barra n lƹinaya n Arebbi. Walakin ȓexxu aqaṯen swadday i lƹinaya nnes.

Ayṯ-Ruma 11:28

S ssabab n Lʼinjil, israʼiliyen ḏ ȓaƹḏu ƹlaḥsab kenniw. Walakin s ssabab minzi twaxḍaren, niṯni ḏ imƹizzen ƹlaḥsab ssalaf ṣṣaliḥin.

Ayṯ-Ruma 11:16

Meȓa ṯqerrṣeḏ cwayt zeg urecṯi iṣfan ṯqeddmeḏ-ṯ i Arebbi, ataf aḏ yiȓi amenni iṣfa urecṯi nni amen-ikmaȓ. U meȓa aḏ iȓin iẓewran n ṯcejjarṯ ṣfan, ataf aḏ iȓin uȓa ḏ ȓefruƹ, iƹni ṯiseḍwin.

Ȓexḏayem 3:25

Kenniw ḏ ddurriṯ n lʼanbiya. Kenniw ḏ ṯarwa n ȓƹaheḏ nni ig igga Arebbi ak ȓejḏuḏ nwem. Inna-as Arebbi i Brahim: Zi ddurriṯ nnec iy zi ɣa barkeɣ marra ȓegnus n ṯmurṯ-a.

Ȓexḏayem 2:39

Liʼanna yuca-awem ȓƹaheḏ i kenniw ḏ ṯarwa nwem ḏ marra yinni iggwjen, iƹni i marra yinni iy xef d ɣa iȓaɣa Siḏi Arebbi."

Marqus 8:33

Walakin Ƹisa ineqȓeb ɣares ixzar ɣar imeḥḍaren nnes, inha Buṭrus inna-as: "Aggwej xafi ɣar ḏeffar a Cciṭan! Cek war tfekkareḏ ca amecnaw Arebbi; Lla, cek tfekkareḏ amecnaw bnaḏem."

Marqus 3:5

Ixzar ɣarsen iƹeṣṣeb, ixeyyeq ȓaḥeqqac uȓawen nsen qesḥen. Inna-as i uryaz nni: "Sarreḥ fus nnec." Isarreḥ-iṯ uca iḏweȓ ufus nnes igenfa.

Matta 5:3

"Ssaƹḏ nsen i yinni iǧan ḏ ȓmusakin ḏeg arruḥ nsen, aqa ȓmulk ujenna i niṯni.

Matta 5:10

Ssaƹḏ nsen i yinni itwaƹeddaben x ssabab n min iǧan nican, aqa ȓmulk n ujenna i niṯni.

Yuḥanna 3:3

Indeq-d Ƹisa inna-as: "Aqa tesȓiḏ ȓḥaqq: War izemmar uȓa ḏ ijjen aḏ iẓer ȓmulk n Arebbi illa meȓa ixȓeq-d ḏ jḏiḏ."

Yuḥanna 3:5

Inna-as Ƹisa: "Aqa tesȓiḏ ȓḥaqq: Meȓa can yijjen war d ixȓiq ca s waman ḏ Arruḥ n Arebbi, war izemmar aḏ yaḏef ḏi ȓmulk n Arebbi.