Marqus 1:21 - Ṯarifiṯ 2020

²¹ Uḏfen ɣar ubilaj n Kafernaḥum. Ḏi nhar n ssebṯ n lƹibada yuḏef Ƹisa ḏi ṯemziḏa n Ayṯ-Israʼil ibḏa iseȓmaḏ ḏinni.

Marqus 1:21 Referans Kwoze

Marqus 6:2

Nhar n ssebṯ n lƹibada, ibḏa iseȓmaḏ ḏi ṯemziḏa nni. Marra yinni ḏas itsȓan qqimen tƹejjben ḏayes nnan: "Mani yufa manaya? Min ṯeƹna ȓefhameṯ-a iy ḏas immucen? Mammec igga lmuƹjizaṯ-a ig iweqƹen x ifassen nnes?

Marqus 1:39

Iruḥ itḥeddaṯ ḏi ṯemziḏawin n Ayṯ-Israʼil ḏi marra ṯamurṯ n Ljalil isufuɣ jnun.

Matta 4:23

Iggur Ƹisa ḏi lʼiqlim n Ljalil marra, iseȓmaḏ ḏi ṯemziḏawin n Ayṯ-Israʼil itbeccar-iṯen s Lʼinjil n ȓmulk n Arebbi isgenfa marra ȓehȓacaṯ ḏ ddiƹan n ddat ḏeg yiwḏan.

Ȓexḏayem 17:2

Yuḏef Bulus ɣar ṯemziḏa nni mammec itegg ȓebda. Ṯȓaṯa n simanaṯ kuȓ nhar n ssebṯ n lƹibada itemnaqac akiḏsen iqqar-asen min yurin ḏi Lkutub.

Ȓexḏayem 18:4

Mkuȓ nhar n ssebṯ n lƹibada Bulus itemnaqac ak Ayṯ-Israʼil ḏ iyunaniyen ḏi ṯemziḏa bac aṯen iseqneƹ.

Matta 4:13

Walakin war iqqim ca ḏi Naṣira, iruḥ aḏ izḏeɣ ḏeg yijjen n ubilaj qqaren-as Kafernaḥum ig iǧan x ṭṭarf n ȓebḥar n Ljalil, jjiheṯ n ṯmurṯ n Zafulun ḏ Naftali.

Luqa 13:10

Tuɣa Ƹisa iseȓmaḏ ḏeg yijjen n ṯemziḏa n Ayṯ-Israʼil ḏi nhar n ssebṯ n lƹibada.

Luqa 10:15

Y cek, ay abilaj n Kafernaḥum! Ma tɣir-ac aḏ tgaƹƹḏeḏ ɣar ujenna? Lla, qa cek aḏ tehwiḏ ɣar Ljaḥim."

Luqa 4:16

Yusa-d ɣar ubilaj n Naṣira mani irebba. Nhar n ssebṯ n lƹibada iruḥ ɣar ṯemzida am ȓebda, ikkar ḥima aḏ iɣar.

Marqus 10:1

Ikkar Ƹisa iffeɣ ssenni iruḥ ɣar jwayeh n Yahuḏiya ḏ ujemmaḍ-in n yiɣzar n Lʼurdun. Munen-d xas ḏinni ȓɣaci ƹaweḏ, ibḏa iseȓmaḏ-iṯen amecnaw ȓebda.

Marqus 2:1

Menbaƹd i can wussan, iḏweȓ-d Ƹisa ƹaweḏ ɣar ubilaj n Kafernaḥum sȓin iwḏan belli aqaṯ ḏi ṯeddarṯ.

Marqus 1:20

Ȓexddenni iȓaɣa-yasen-d Ƹisa, semḥen ḏi babaṯsen Zabadi ig iǧan ḏi ṯɣarrabut ak ixeddamen nnes, ḏfaren-ṯ.

Marqus 1:29

Wami d iffeɣ zi ṯemziḏa nni, yusa-d ɣar ṯeddarṯ n Simƹan ḏ Andrus akiḏes Yaƹqub ḏ Yuḥanna.

Marqus 1:33

munen marra ayṯbab n ubilaj ḏinni ɣar ṯewwarṯ.

Marqus 3:1

Yuḏef Ƹisa ƹaweḏ ɣar yijjen n ṯemziḏa n Ayṯ-Israʼil yufa ḏinni ijjen n uryaz fus nnes immuṯ.

Luqa 4:23

Inna-asen Ƹisa: "Bȓa ccekk aḏayi ṯinim ȓmaƹna-ya: Cek ay aḍbib mȓi ṯeddawiḏ, iȓi ṯeddawiḏ ixef nnec. Aḏayi ṯinim ƹaweḏ qa min nesȓa iweqƹen ḏeg ubilaj n Kafernaḥum, ȓexxu manayenni egg-iṯ uȓa ḏanita ḏi ṯmurṯ nnec."