Lwaḥi 6:9 - Ṯarifiṯ 2020

⁹ Izmar nni wami irzem acemmaƹ wis xemsa, ẓriɣ swadday i ȓmeḏbaḥ buḥbeȓ n yinni itwanɣen ƹlaḥsab awaȓ n Arebbi ḏ chaḏeṯ iy cehḏen.

Lwaḥi 6:9 Referans Kwoze

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.

Yuḥanna 16:2

Akenniw ṭerden zi ṯemziḏawin. Ƹaḏ aḏ d tas ȓweqṯ aḏas itɣir i wenni iy kenniw ɣa inɣen belli itegg lʼajar i Arebbi.

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

Lwaḥi 16:7

Sȓiɣ i yijjen n ṣṣut iqqar-d zi ȓmeḏbaḥ: "Wah a Siḏi Arebbi nneɣ ig izemmaren i kuȓci, ȓeḥkamaṯ nnec ḏ ȓḥaqq, aqaṯent nican."

Lwaḥi 14:18

Ikkar iffeɣ-d ijjen n lmalak nneɣni zi ȓmeḏbaḥ n ṯemziḏa ṯameqqrant ɣares ssulṭa x ṯmessi, iȓaɣa s jjheḏ inna-as i lmalak nni ɣar iǧa umjar iqḍeƹ: "Ysi amjar nnec, jmeƹ-d zzayes izekkunen n ṯzayarṯ n ṯmurṯ ȓaḥeqqac aḍiȓ ṯuweḍ-d ȓweqṯ nnes."

Lwaḥi 1:2

U netta ḏ ccaheḏ x marra min iẓra, iƹni x wawaȓ n Arebbi ḏ minxef icheḏ Ƹisa Lmasiḥ.

Ayṯ-Filippas 1:23

Ȓexxu aqayi jar ṯnayen n ṯmesȓayin-a iy ɣa ixḍareɣ. Ḏayi mizȓi aḏ uyureɣ zi ṯuḏarṯ-a aḏ iȓiɣ ak Lmasiḥ ȓaḥeqqac manaya qaƹ ḥsen zi marra.

2 Ayṯ-Kurinṯ 5:8

War ntefciȓ ca, lla! Maƹlic neccin meȓa ntaggwaj zi ddat-a n ddunect-a ataf neccin netƹic ak Siḏiṯneɣ.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 8:3

Yusa-d ijjen n lmalak nneɣni ibedd ɣar ȓmeḏbaḥ, iysi-d ṯimejmarṯ nni itwaṣenƹen s ddheb. Immuc-as aṭṭas n tbaxur ḥima aḏ iqeddem tbaxur nni ak ṯẓaǧiṯ n ȓmuminin ṣṣaliḥin x ȓmeḏbaḥ n ddheb iǧan zzaṯ i lƹarc.

2 Timutawus 4:6

Cuf, nec tferraɣen-ayi-d am yijjen n ṣṣeḏqeṯ n iḏammen x dbiḥeṯ itwaqeddamen, aqa ṯuweḍ-d ȓweqṯ n ufuɣ inu zi ddunect-a.

Lwaḥi 9:13

Ṯekkar lmalaʼika wis setta ṯṣuḍ ḏi zzammar nnes uca sȓiɣ i yijjen n ṯmijja ṯendeq-d zi arbeƹa nni n waccawen n ȓmeḏbaḥ n ddheb iy iǧan zzaṯ i Arebbi.

Ayṯ-Filippas 2:17

Nec farrḥeɣ akiḏwem s yijjen n ȓefraḥeṯ maƹlic meȓa ferrɣen-ayi-d waha am yijjen n ṣṣeḏqeṯ n iḏammen x dbiḥeṯ nwem iy tqeddamem kenniw s lʼiman nwem.

Iƹibraniyen 12:23

Ṯqarrbem-d ɣar yinni itmunen ḏi ȓefraḥeṯ iƹni ɣar jmaƹeṯ n yinni ixḍar Arebbi iy d ixeȓqen ḏ imezwura isemawen nsen twazemmen ḏeg ujenna. Ṯqarrbem-d ɣar Arebbi wenni iǧan ḏ ȓqaḍi x marra iwḏan. Ṯqarrbem-d ɣar arruḥaṯ n ṣṣaliḥin yarri-ṯen Arebbi bȓa ȓƹib.