Biblia Todo Logo
Bib sou entènèt

- Piblisite -




Lwaḥi 3:1 - Ṯarifiṯ 2020

1 Ari-yas i lmalaʼika n jmaƹṯ n ȓmuminin iy iǧan ḏi ṯendint n Sardis, ini-yas qa wenni ɣar ǧan sebƹa n arruḥaṯ n Arebbi ḏ sebƹa n yiṯran, iqqar-ac: Nec ssneɣ ȓexḏayem nnec. Qqaren qa cek ṯeddareḏ walakin lla cek ṯemmuṯeḏ.

Gade chapit la Kopi




Lwaḥi 3:1
30 Referans Kwoze  

Walakin ṯenni itƹicen ḏi ccehweṯ waha, qa nettaṯ ṯemmuṯ waxxa ṯeddar.


Cuf, ddat n bnaḏem bȓa buḥbeȓ ṯemmuṯ, amenni lʼiman bȓa ȓexḏayem immuṯ.


Zi Yuḥanna ɣar sebƹa n ṯjumaƹ n ȓmuminin ḏi lʼiqlim n Asya. Akiḏwem yiȓi arḍa ḏ ȓehna zeg wenni ig iǧan, tuɣa iǧa, ƹaḏ aḏ d yas. Akiḏwem yiȓi arḍa zi sebƹa n arruḥaṯ ig iǧan zzaṯ i lƹarc nnes.


Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ṭṭabiƹa nwem war iṭehharen ca, walakin Arebbi iseddar-d kenniw ak Lmasiḥ wami ḏaneɣ iɣfar qaƹ ȓmuƹṣiyaṯ nneɣ.


Iṯarrasen-a yina twessaxen imensiwen nwem n ṯemƹacarṯ. Tetten akiḏwem bȓa ma aḏ seḏḥan, niṯni ggin am ca n imeksawen iy ƹettqen ixef nsen waha. Niṯni ḏ iseynuṯen bȓa yanẓar ɣir itawi-ṯen arriḥ itarra-ṯen. Niṯni ggin am ṯcejjura ḏi ȓexȓif war itarwen ca, tneqȓaƹent-id zeg iẓewran nsent; iƹni ibriḏen nsent mmuṯen s ṯnayen.


Nec ssneɣ ȓexḏayem nnec ḏ ȓemḥibbeṯ nnec ḏ lʼiman nnec ḏ ṣṣbar nnec qa ssneɣ ȓexḏayem nnec ṯineggura ktar zi ṯinni ṯimezwura.


Ḏeg ufus nnes afusi ɣares sebƹa n yiṯran. Aqemmum nnes iteffeɣ-d zzayes ijjen n ssif iqḍeƹ x ṯnayen n jjihaṯ. Aɣembub nnes igga am nnur n ṯfuct iy itceƹciƹen aṭṭas.


Iseddar-aneɣ-d ak Lmasiḥ waxxa neccin s wuȓawen nneɣ nemmuṯ ƹlaḥsab ȓmuƹṣiyaṯ nneɣ. Iwa s arḍa n Siḏi Arebbi iy zi nenjem.


Ȓexxu itxeṣṣa-aneɣ a nfareḥ a nezhu aṭṭas minzi umac tuɣa immuṯ, ȓexxu iddar. Tuɣa iweddar, ȓexxu itwaf."


Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ddnub nwem.


Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.


Min iƹna ȓmaƹna inuffaren n sebƹa n yiṯran nni iy ṯeẓriḏ ḏeg ufus inu afusi ḏ sebƹa nni n ȓeqnaḏeȓ? Sebƹa nni n yiṯran, iƹni niṯni ḏ sebƹa n lmalaʼikaṯ n ṯjumaƹ n ȓmuminin. Sebƹa nni n ȓeqnaḏeȓ, iƹni niṯni ḏ sebƹa n ṯjumaƹ n ȓmuminin."


Iteffeɣ-d zi lƹarc wassam ḏ iɣuyan ḏ wajjaj. Zzaṯ i lƹarc ḏinni sebƹa n isfeḍawen n ṯmessi ceƹƹȓen, yina niṯni ḏ sebƹa n arruḥaṯ n Arebbi.


Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."


Tuɣa nec war ṯ ssineɣ ca min iƹna, walakin ḏ Arebbi iy ḏayi d issekken aḏ ṭehhareɣ i yiwḏan s waman, netta inna-ayi: Wenni ɣa ṯeẓreḏ ihwa-d xas Arruḥ imars xas, ḏ netta iy ɣa iṭehharen i yiwḏan s Arruḥ iqeddsen.


S lbaraka nnes ṯameqqrant ibarek-aneɣ marra s arḍa x arḍa.


Ṯumma ṭṭarf i lƹarc-a, ḏi ȓwesṭ n arbeƹa n lmexluqaṯ nni ḏ imɣaren nni, ẓriɣ ḏinni ijjen n Yizmar ibedd walakin itban-d axmi ṯ nɣin. Ɣares sebƹa n waccawen ḏ sebƹa n ṯiṭṭawin. Niṯni ḏ sebƹa n arruḥaṯ n Arebbi ig issekk ɣar marra ddunect-a.


Tuɣa rezzun xas bac aḏ ssnen meȓmi d ɣa imeḍhar usenjem-a ḏ ḍḍuruf nnes. Rezzun aḏ ssnen minxef issawaȓ Arruḥ n Lmasiḥ iy iǧan ḏaysen wami Arruḥ-a iƹȓem-asen zi qbeȓ mecḥaȓ iy ɣa itwaƹeddeb Lmasiḥ, ssenni mecḥaȓ iy ɣa itwasemɣar menbaƹd.


Wami itwarfeƹ ɣar ufusi n Arebbi, iysi zi Babas Arruḥ iqeddsen iy zi ṯ iwƹeḏ, isfareɣ-d Ƹisa manaya iy twaȓam ȓexxu ḏ manaya iy ṯesȓam.


Wami inna manaya iṣṣuḍ xasen inna-asen: "Qebȓeṯ Arruḥ iqeddsen.


Wenni iy d issekk Arebbi issawaȓ s wawaȓ n Arebbi minzi iticc-as Arruḥ nnes bȓa ȓeqyas.


Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.


Nec ssneɣ ȓexḏayem nnec ḏ tamara nnec ḏ ṣṣbar nnec. Ssneɣ war ṯqebbȓeḏ ca yinni iǧan ḏ iƹeffanan, ṯjarrbeḏ yinni iqqaren qa neccin ḏ arrusul ṯufiḏ-ṯen sxerriqen waha.


Iȓi ƹlabal, egg jjheḏ nnec ḏi ȓexḏayem nnec iy ḏac iqqimen qbeȓ ma aḏ mmṯent qaƹ. Nec ufiɣ ȓexḏayem nnec war kemmȓent ca zzaṯ i Arebbi inu.


Nec ssneɣ ȓexḏayem nnec. Aqa ggiɣ zzaṯec ijjen n ṯewwarṯ ṯnurzem war izemmar ḥadd at ibelleƹ. Waxxa jjheḏ nnec ḏ uqlil, ṯeggiḏ array i wawaȓ inu war ṯenkareḏ ca isem inu.


Nec ssneɣ ȓexḏayem nnec, cek war ṯesmiḍeḏ war ṯeḥmiḏ. Tmenniɣ cek aḏ tsemḍeḏ niɣ aḏ teḥmiḏ!


Swiv nou:

Piblisite


Piblisite