Lwaḥi 22:11 - Ṯarifiṯ 2020

¹¹ Wenni iteggen ccarr aḏ iqqim itegg ccarr. Wenni ixenzen aḏ iqqim itexniz. Wenni iǧan nican aḏ iqqim nican. Wenni iǧan ḏ amqeddes aḏ iqqim ḏ amqeddes."

Lwaḥi 22:11 Referans Kwoze

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

Matta 15:14

Jjem-ṯen! Niṯni ḏ iḍarɣaȓen tjarran iḍarɣaȓen. Meȓa aḍarɣaȓ ijarr aḍarɣaȓ, ataf aḏ wḍan s ṯnayen iḏsen ḏi can ṯesrafṯ."

Matta 5:6

Ssaƹḏ nsen i yinni iǧuzen iffuḏen ɣar min iǧan nican, ȓaḥeqqac niṯni aḏ jjawnen.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,

Matta 25:10

Wami ruḥent ṯefɣaȓ aḏ sɣent zzect, ixḍeȓ-d muȓay. Uḏfent akiḏes ṯinni iswejḏen ɣar ȓfarḥ, ṯbelleƹ ṯewwarṯ.

Ayṯ-Ufasus 5:27

Ḥima Lmasiḥ aḏ iqeddem jmaƹeṯ n ȓmuminin i yixef nnes tceƹciƹ ḏ ṯamqeddest war twessix war tecniq war ḏayes itiȓi bu ca n ȓƹib nneɣni.

Matta 21:19

Iẓra ijjen n ṯcejjarṯ n ṯazarṯ x ubriḏ iruḥ ɣares yufi-t ḏayes ṯifray waha. Inna-as: "Cem zi ssa aȓ ṯsawent ƹemmarṣ aḏ tarweḏ." Ȓexddenni ṯuzeɣ ṯcejjarṯ nni n ṯazarṯ.

Yuḥanna 8:21

Inna-asen ƹaweḏ Ƹisa: "Nec aḏ uyureɣ kenniw axafi ṯerzum, ḏi ȓmuƹṣiyeṯ nwem aḏ temmṯem. Mani ɣa raḥeɣ nec, war ṯzemmarem ca aḏ d tasem ḏinni."

Lwaḥi 16:21

Iwḍa-d icarra ḏ ameqqran zeg ujenna x yiwḏan, kuȓ abquq iwezzen azyen uqendar. Iwḏan qqaren awaȓen war iḥȓin x Arebbi x ssabab n lmuṣiba-ya n icarra ȓaḥeqqac lmuṣiba-ya ḏ ṯameqqrant aṭṭas.

Lwaḥi 22:3

Zi ssenni aȓ ṯsawent war ḏinni tiȓi bu nnaƹȓeṯ. Lƹarc n Arebbi ḏ Yizmar aḏ yiȓi ḏi ṯendint-a, aṯ ƹebḏen lƹibad nnes.

Ayṯ-Kulus 1:22

Walakin ȓexxu lla, Arebbi isemṣȓaḥ-ikenniw akiḏes s ddat n Lmasiḥ iƹni s ȓmewṯ nnes bac akenniw iqeddem zzaṯes ṯeṣfam bȓa ȓƹib war ḏinni bu wi kenniw iy ɣa itahamen.

Matta 5:45

ḥima aḏ tiȓim ḏ ṯarwa n Babaṯwem iy iǧan ḏeg ujenna. Ȓaḥeqqac itsummur-d ṯfuct x yinni iṣebḥanen ḏ yinni iƹeffanen. Iticc anẓar i yinni iteggen ȓxir ḏ yinni iteggen ccarr.