Lwaḥi 22:1 - Ṯarifiṯ 2020

¹ Ismeḍhar-ayi-d lmalak nni iɣzar n waman n ṯuḏarṯ ṣfan am jjaj, iteffeɣ-d zi lƹarc n Arebbi ḏ Yizmar

Lwaḥi 22:1 Referans Kwoze

Lwaḥi 7:17

Ȓaḥeqqac Izmar iy iǧan ḏi ȓwesṭ n lƹarc aṯen yarwes, aṯen yawi akiḏes ɣar mani ǧan ȓaƹnaṣer n waman n ṯuḏarṯ. Arebbi aḏ imseḥ kuȓ ameṭṭaw zi ṯiṭṭawin nsen."

Yuḥanna 4:14

Walakin wenni ɣa iswen aman iy ḏas ɣa uceɣ nec ataf war itfiḏi ca ƹemmarṣ. Aman iy ḏas ɣa uceɣ nec aḏ ḏewȓen ḏayes amecnaw ijjen n ȓƹunṣar azzayes ṯesfiy ṯuḏarṯ n ȓebda."

Lwaḥi 21:6

Inna-ayi: "Ṣafi, itwakemmeȓ. Nec ḏ lʼalif nec ḏ lyaʼ. Nec kuȓci zzayi ig ibḏa, nec kuȓci zzayi iy ɣa ikemmeȓ. Aḏ uceɣ i wenni iffuḏen zi ȓƹunṣar n waman n ṯuḏarṯ baṭeȓ.

Lwaḥi 22:17

Arruḥ ḏ ṯsȓiṯ qqaren: "Araḥ-d!" Wenni itsȓan aḏ yini: "Araḥ-d!" Wenni ifuḏen aḏ d yas, wenni irezzun aman n ṯuḏarṯ aḏ isew baṭeȓ!

Lwaḥi 3:21

Wenni ɣa irebḥen aṯ jjeɣ akiḏi iqqim x lƹarc inu, am rebḥeɣ uȓa ḏ nec qqimeɣ ak Baba x lƹarc nnes.

Ȓexḏayem 2:33

Wami itwarfeƹ ɣar ufusi n Arebbi, iysi zi Babas Arruḥ iqeddsen iy zi ṯ iwƹeḏ, isfareɣ-d Ƹisa manaya iy twaȓam ȓexxu ḏ manaya iy ṯesȓam.

Lwaḥi 21:11

Ḏayes lƹaḍama n Arebbi, nnur nnes amecnaw ṯazrut ṯaṣebḥant, amecnaw ṯazrut n lyaceb ṯeṣfa aṭṭas.

Yuḥanna 15:26

Aḏ d yas Lmuƹawin iƹni Arruḥ n lḥaqiqa. Aḏawem ṯiḏ ssekkeɣ nec zi Baba u netta iffeɣ-d zi Baba. Xmi d ɣa yas, axafi icheḏ.

Lwaḥi 5:13

Ṯumma sȓiɣ i kuȓ lmexluq iǧan ḏeg ujenna ḏ ṯmurṯ ḏ swadday i ṯmurṯ ḏ ȓebḥar ḏ marra min ḏaysen qqaren-asen i wenni iqqimen x lƹarc uȓa ḏ Yizmar: "Aɣarwem yiȓi lḥamed ḏ uweqqar ḏ lƹaḍama ḏ ȓeḥkam i ȓebda n ȓebdaṯ!"

Lwaḥi 5:6

Ṯumma ṭṭarf i lƹarc-a, ḏi ȓwesṭ n arbeƹa n lmexluqaṯ nni ḏ imɣaren nni, ẓriɣ ḏinni ijjen n Yizmar ibedd walakin itban-d axmi ṯ nɣin. Ɣares sebƹa n waccawen ḏ sebƹa n ṯiṭṭawin. Niṯni ḏ sebƹa n arruḥaṯ n Arebbi ig issekk ɣar marra ddunect-a.

Lwaḥi 1:1

Wanita ḏ lwaḥi n Ƹisa Lmasiḥ. Yuca-as-ṯ Arebbi ḥima aṯ ismeḍhar i yinni iy ṯ iƹebbḏen. Manaya itxeṣṣa u labud aḏ iwqeƹ ḏeɣya. Lmasiḥ issekk lmalak nnes aḏ ixebbar manaya i ȓƹabḏ nnes qqaren-as Yuḥanna.

Lwaḥi 21:9

Yusa-d ɣari ijjen zi sebƹa n lmalaʼikaṯ nni iy ɣar ǧant sebƹa n ṯmejmarin ig iƹemmaren s sebƹa n lmuṣibaṯ nni ṯineggura, inna-ayi: "Araḥ-d, aḏac d smeḍhareɣ ṯasȓiṯ, iƹni ṯenni ɣa yawin Izmar."

Lwaḥi 22:6

Inna-ayi lmalak wenni: "Awaȓen-a ḏaysen ȓaman ḏaysen ȓḥaqq. Arebbi netta ḏ Mawlana iy d isehwan lwaḥi x lʼanbiya, issekk-d lmalak nnes ḥima aḏ d ismeḍhar i yinni iy ṯ iƹebbḏen min labud ɣa iweqƹen ƹȓayen."

Yuḥanna 13:32

Meȓa Arebbi itwasemɣar s Mmis, ataf aṯ isemɣar ƹaweḏ Arebbi ḏeg yixef nnes, u ḏeɣya aṯ isemɣar.