Lwaḥi 21:22 - Ṯarifiṯ 2020

²² War ẓriɣ ca Ṯamziḏa ṯameqqrant ḏi ṯendint nni, mayemmi? Liʼanna Siḏi Arebbi ig izemmaren i kuȓci ak Yizmar niṯni ig iǧan ḏ Ṯamziḏa-ya ṯameqqrant.

Lwaḥi 21:22 Referans Kwoze

Yuḥanna 4:23

Walakin aḏ d tas ȓweqṯ aqa ȓexxu ṯusa-d, maƹlik yinni iƹebbḏen nican ataf aḏ ƹebbḏen Baba s lḥaqiqa ḏ arruḥ. Ḏ yina iy xef irezzu Baba.

Lwaḥi 1:8

Iqqar Siḏi Arebbi: "Nec ḏ lʼalif nec ḏ lyaʼ. Nec ḏ wenni ig iǧan, tuɣa ǧiɣ, ƹaḏ aḏ d aseɣ, zemmareɣ i kuȓci."

Lwaḥi 16:7

Sȓiɣ i yijjen n ṣṣut iqqar-d zi ȓmeḏbaḥ: "Wah a Siḏi Arebbi nneɣ ig izemmaren i kuȓci, ȓeḥkamaṯ nnec ḏ ȓḥaqq, aqaṯent nican."

Lwaḥi 5:6

Ṯumma ṭṭarf i lƹarc-a, ḏi ȓwesṭ n arbeƹa n lmexluqaṯ nni ḏ imɣaren nni, ẓriɣ ḏinni ijjen n Yizmar ibedd walakin itban-d axmi ṯ nɣin. Ɣares sebƹa n waccawen ḏ sebƹa n ṯiṭṭawin. Niṯni ḏ sebƹa n arruḥaṯ n Arebbi ig issekk ɣar marra ddunect-a.

Ayṯ-Kulus 2:9

Liʼanna Lmasiḥ marra min iǧan n Arebbi izḏeɣ ḏi ddat nnes.

Yuḥanna 4:21

Inna-as Ƹisa: "Tiqqa-ayi a ṯamɣarṯ, aḏ d tas ijjen n ȓweqṯ ataf kenniw war ṯƹebbḏem ca Baba uȓa ḏeg uḏrar-a uȓa ḏi Lquds.

Lwaḥi 15:3

Tɣennajen s yizȓi n Musa ȓƹabḏ n Arebbi ḏ yizȓi n Yizmar qqaren: "Ȓexḏayem nnec ḏ ṯimeqqranin isḏehhacen, A Siḏi Arebbi nneɣ i kuȓci iy izemmaren. Ibriḏen nnec ḏ ȓḥaqq ḏ nican ig iǧan, Ay azeǧiḏ n ȓegnus n yiwḏan.

Lwaḥi 11:17

qqaren: "Netcekkar-icek a Siḏi Arebbi ig izemmaren i kuȓci, cek ig iǧan, cek iy tuɣa iǧan, ȓaḥeqqac ṯesxeḏmeḏ jjheḏ nnec, ṯebḏiḏ tḥekkmeḏ.

Lwaḥi 4:8

Kuȓ ijjen zi lmexluqaṯ-a ɣares setta n wafriwen, kuȓ afriw iccur s ṯiṭṭawin x jjihetayen. Qqaren ǧiȓeṯ ḏ nhar bȓa ma aḏ bedden: "Mecḥaȓ ƹaḍim, ƹaḍim, ƹaḍim, Siḏi Arebbi izemmaren i kuȓci. Netta ḏ wenni iy tuɣa iǧan, ḏ wenni iy iǧan, ḏ wenni ƹaḏ iy d ɣa yasen."

Ayṯ-Kulus 1:19

Liʼanna iƹjeb-as i Arebbi aḏayes isezḏeɣ ḏi Mmis qaƹ min ɣares.

Yuḥanna 10:30

Nec ḏ Baba ḏ ijjen."

Lwaḥi 19:15

Iteffeɣ-d zeg uqemmum nnes ijjen n ssif iqḍeƹ, azzayes yuweṯ ȓegnus. Netta aṯen yarwes s uƹekkaz n ȓeḥḏiḏ, axasen iƹeffes ḏi ṯsirṯ n waman n uḍiȓ iƹni ḏ lƹiqab ameqqran n Arebbi ig izemmaren i kuȓci.

Lwaḥi 16:14

Yina ḏ arruḥaṯ n ccayaṭin teggen lmuƹjizaṯ zaƹma. Traḥen ɣar izeǧiḏen n ṯmurṯ marra ḥima aṯen smunen i ȓḥarb ḏi Nhar nni ameqqran n Arebbi ig izemmaren i kuȓci.

Matta 24:2

Indeq-d Ƹisa inna-asen: "Ma twaȓam qaƹ manaya? Aqa tesȓam ȓḥaqq: War ḏa itɣimi ijjen n uzru x unneɣni, marra manaya aḏ inehḏem."

Lwaḥi 7:15

S manaya aqaṯen zzaṯ i lƹarc n Arebbi, ƹebbḏen-ṯ ǧiȓeṯ ḏ nhar ḏi ṯemziḏa ṯameqqrant nnes. Wenni iqqimen x lƹarc aṯen iḥḍa.

Lwaḥi 7:17

Ȓaḥeqqac Izmar iy iǧan ḏi ȓwesṭ n lƹarc aṯen yarwes, aṯen yawi akiḏes ɣar mani ǧan ȓaƹnaṣer n waman n ṯuḏarṯ. Arebbi aḏ imseḥ kuȓ ameṭṭaw zi ṯiṭṭawin nsen."

Lwaḥi 14:4

Yina ḏ yinni war iẓrin ƹemmarṣ ṯimɣarin qqimen ḏ iƹzriyen. Yina ḏ yinni iḏeffaren Izmar mani ma iruḥ. Twasnejmen niṯni zi ȓwesṭ n yiwḏan ḥima aḏ twaqeddmen ḏ imezwura i Arebbi ḏ Yizmar.

Yuḥanna 13:32

Meȓa Arebbi itwasemɣar s Mmis, ataf aṯ isemɣar ƹaweḏ Arebbi ḏeg yixef nnes, u ḏeɣya aṯ isemɣar.