Lwaḥi 20:3 - Ṯarifiṯ 2020

³ Inḍar-iṯ ḏi ȓaǧeɣ bȓa ȓaḥedd, ibelleƹ xas ṯawwarṯ icemmeƹ-it bac ssenni aȓ ṯsawent war ixeddeƹ ca ȓegnus aȓ ɣa kemmȓen aȓaf n iseggwusa nni. Menbaƹd i manayenni labud aḏ itwaḍȓeq cwayt n ȓweqṯ.

Lwaḥi 20:3 Referans Kwoze

Lwaḥi 20:1

Ẓriɣ ijjen n lmalak ihwa-d zeg ujenna ɣares ḏeg ufus nnes ȓmeftaḥ n ȓaǧeɣ bȓa ȓaḥedd ḏ yijjen n ssensȓeṯ ḏ ṯameqqrant.

Lwaḥi 17:8

Ȓwaḥc nni iy ṯeẓriḏ tuɣa iǧa, ȓexxu war iǧi ca, ƹȓayen aḏ d igaƹƹeḏ zi ȓaǧeɣ bȓa ȓaḥedd aḏ itwahḏem. Imezḏaɣ n ṯmurṯ xmi ɣa ẓren ȓwaḥc nni ataf aḏ dehcen iƹni kuȓ ijjen isem nnes war izemmem ca zeg wami ṯeǧa ddunect ḏi Lkitab n Ṯuḏarṯ. Ȓaḥeqqac ȓwaḥc nni tuɣa iǧa, ȓexxu war iǧi ca, ƹaḏ aḏ d yas.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Matta 27:66

Ruḥen ggin ȓƹasseṯ x unḍeȓ: cemƹen ṯawwarṯ nnes, jjin ḏinni iƹessasen.

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

2 Buṭrus 3:8

Ay imƹizzen inu, war tettuṯ ca ṯamesȓayṯ-a: Siḏiṯneɣ iḥesseb ijjen n nhar am waȓaf n iseggwusa, iḥesseb aȓaf n iseggwusa am yijjen n nhar.

Lwaḥi 17:2

Fesḏen akiḏes izeǧiḏen n ṯmurṯ u ƹaweḏ imezḏaɣ n ṯmurṯ skaren s waman uḍiȓ iƹni lfasad nnes."

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Marqus 4:15

Zzarriƹeṯ nni ig iwḍan x ubriḏ nettaṯ am yiwḏan iy tesȓan i wawaȓ n Arebbi. Itraḥ Cciṭan ḏeɣya itekkes awaȓ nni itwazerƹen ḏaysen ḏeg wuȓ.

Luqa 8:31

Ḥeccmen-ṯ aṭṭas jnun nni ḥima war ṯen itsekki ca ɣar wanu bȓa ȓaḥedd.