Lwaḥi 20:14 - Ṯarifiṯ 2020

¹⁴ Ṯmenḍar-d ȓmewṯ ḏ Lʼaxira ḏi ȓebḥar n ṯmessi. Qa ȓebḥar nni n ṯmessi netta ig iǧan ḏ ȓmewṯ wis ṯnayen.

Lwaḥi 20:14 Referans Kwoze

1 Ayṯ-Kurinṯ 15:26

Ȓaƹḏu aneggaru iy ɣa ibeṭṭeȓ nettaṯ ḏ ȓmewṯ.

Lwaḥi 20:6

Yinni d ɣa ikkaren ḏi lqiyama ṯamezwarut ssaƹḏ nsen, aqaṯen ṣfan. Ȓmewṯ wis ṯnayen war ɣares tiȓi ca ssulṭa xasen. Aḏ iȓin ḏ ȓfuqaha n Arebbi ḏ Lmasiḥ, akiḏes ḥekmen aȓaf n iseggwusa.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

Lwaḥi 21:4

Aḏ imseḥ kuȓ ameṭṭaw zi ṯiṭṭawin nsen. War tɣimi ca ƹaḏ ȓmewṯ niɣ ḏ lḥuzen niɣ ḏ imeṭṭawen niɣ ḏ ȓeḥriq. Aqa ṯimesȓayin nni ṯimezwura ṣafi twakksent."

Lwaḥi 20:13

Ȓebḥar isellem imettinen ig icca. Ȓmewṯ ḏ Lʼaxira sellment imettinen nsent. Uca kuȓ ijjen aḏ itwaḥaseb ƹlaḥsab ȓexḏayem nnes.

Lwaḥi 20:10

Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.

1 Ayṯ-Kurinṯ 15:53

Cuf, min ifennan itxeṣṣa aḏ iɣmes s min war ifennin, ḏ min itmettan itxeṣṣa aḏ iɣmes s min war itmettin.

Lwaḥi 20:15

Wenni war ɣar ufin ca isem nnes izemmem ḏi Lkitab n Ṯuḏarṯ qa imenḍar-d ḏi ȓebḥar n ṯmessi.

Lwaḥi 2:11

Ṣenneṭ mliḥ a wenni itsȓan min iqqar Arruḥ n Arebbi i ṯjumaƹ n ȓmuminin. Wenni ɣa irebḥen, war ṯ tḍarri ca ȓmewṯ nni wis ṯnayen.

Lwaḥi 6:8

Wami xzareɣ, twaȓiɣ ijjen n uyis ḏ awraɣ, wenni xas inyin semman-ṯ Ȓmewṯ, teḏfar-iṯ Lʼaxira. Ṯemmuc-asen ssulṭa aḏ nɣen arbaƹ n imezḏaɣ n ṯmurṯ s ssif ḏ jjuƹ ḏ ṭṭaƹun ḏ ȓuḥuc n ṯmurṯ.

Lwaḥi 14:10

ataf aḏ isew zeg waman uḍiȓ iqesḥen ig iǧan ḏ aɣḍab n Arebbi iƹni ḏ ȓkas n lƹiqab nnes. Aḏ iƹeddeb s ṯmessi ḏ ȓekbriyeṯ zzaṯ i lmalaʼikaṯ iṣfan ḏ Yizmar.