Lwaḥi 2:2 - Ṯarifiṯ 2020

² Nec ssneɣ ȓexḏayem nnec ḏ tamara nnec ḏ ṣṣbar nnec. Ssneɣ war ṯqebbȓeḏ ca yinni iǧan ḏ iƹeffanan, ṯjarrbeḏ yinni iqqaren qa neccin ḏ arrusul ṯufiḏ-ṯen sxerriqen waha.

Lwaḥi 2:2 Referans Kwoze

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

1 Ayṯ-Salunik 5:21

Lla, meyyzeṯ manayenni marra. Ṭṭfeṯ ḏi min iǧan ḏ aṣebḥan;

Lwaḥi 3:8

Nec ssneɣ ȓexḏayem nnec. Aqa ggiɣ zzaṯec ijjen n ṯewwarṯ ṯnurzem war izemmar ḥadd at ibelleƹ. Waxxa jjheḏ nnec ḏ uqlil, ṯeggiḏ array i wawaȓ inu war ṯenkareḏ ca isem inu.

2 Timutawus 2:19

Walakin dsas ijehḏen n Arebbi war itenhezzi ca, xas iy neqcent ṯira-ya qqarent qa Siḏi Arebbi qa issen iwḏan iǧan nnes. Qqarent ƹaweḏ qa marra yinni icehhḏen s yisem n Siḏiṯneɣ itxeṣṣa u labud aḏ beƹƹḏen x ccarr.

1 Ayṯ-Salunik 1:3

Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.

Ayṯ-Galaṭya 1:7

Walakin war ḏinni bu can n Lʼinjil nneɣni. Ɣir ḏinni can yiwḏan iy kenniw isxerwaḍen rezzun aḏ sƹewwjen Lʼinjil n Lmasiḥ.

Lwaḥi 3:1

Ari-yas i lmalaʼika n jmaƹṯ n ȓmuminin iy iǧan ḏi ṯendint n Sardis, ini-yas qa wenni ɣar ǧan sebƹa n arruḥaṯ n Arebbi ḏ sebƹa n yiṯran, iqqar-ac: Nec ssneɣ ȓexḏayem nnec. Qqaren qa cek ṯeddareḏ walakin lla cek ṯemmuṯeḏ.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.

Lwaḥi 2:6

Walakin ṯeggiḏ mliḥ wami ṯƹiffeḏ ȓexḏayem n inikulaṯen iy ƹiffeɣ uȓa ḏ nec.

Lwaḥi 3:15

Nec ssneɣ ȓexḏayem nnec, cek war ṯesmiḍeḏ war ṯeḥmiḏ. Tmenniɣ cek aḏ tsemḍeḏ niɣ aḏ teḥmiḏ!

Matta 7:23

Ȓexddenni aḏasen iniɣ: Tuɣayi nec ƹemmarṣ war kenniw ssineɣ ca. Beƹƹḏeṯ xafi a yinni iteggen ccarr!

Yuḥanna 6:6

Iqqar-as ammu ḥima aṯ ijarreb ȓaḥeqqac netta issen min ɣa ixḏem.

Lwaḥi 2:5

Fekkar mecḥaȓ ṯɣelṭeḏ, tub, egg ȓexḏayem nnec ṯimezwura. Meȓa ṯugiḏ aḏ tubeḏ, aḏ d aseɣ ɣarek aḏ ysiɣ ȓqendiȓ nnec zeg umcan nnes.