Lwaḥi 2:19 - Ṯarifiṯ 2020

¹⁹ Nec ssneɣ ȓexḏayem nnec ḏ ȓemḥibbeṯ nnec ḏ lʼiman nnec ḏ ṣṣbar nnec qa ssneɣ ȓexḏayem nnec ṯineggura ktar zi ṯinni ṯimezwura.

Lwaḥi 2:19 Referans Kwoze

1 Timutawus 1:5

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

2 Buṭrus 1:7

u ƹaweḏ arnim ȓxir jar wawmaṯen ak ṭṭaƹa-ya nwem i Arebbi; u ƹaweḏ arnim ȓemḥibbeṯ ak ȓxir-a nwem jar wawmaṯen.

Yuḥanna 15:2

Kuȓ akeccuḍ iy d iffɣen zzayi war itirew ca izekkunen n uḍiȓ aṯ iqess Baba. U kuȓ akeccuḍ ig itarwen izekkunen n uḍiȓ aṯ izbar ḥima aḏ d yarni izekkunen nneɣni.

2 Ayṯ-Salunik 1:3

Ay ayṯma, itxeṣṣa u labud a ncekkar Arebbi xawem ȓebda. Qa manaya nican minzi lʼiman nwem itemɣur s waṭṭas, minzi ƹaweḏ ȓemḥibbeṯ nwem ṯarenni ak wayawya.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

1 Buṭrus 4:8

Min iǧan muhim qaƹ? Itxeṣṣa aḏ tḥibbem ayawya zeg wuȓ minzi ȓemḥibbeṯ ṯqeṭṭa x waṭṭas n ddunub.

1 Ayṯ-Salunik 3:6

Ȓexxu iḏweȓ-d ɣarneɣ zzaywem Timutawus, yuwi-yaneɣ-d ijjen n ȓexbar ḏ aṣebḥan x lʼiman nwem ḏ ȓemḥibbeṯ nwem. Inna-aneɣ aqa txemmamem ḏayneɣ mliḥ, ḏaywem ƹaweḏ mezȓi aḏaneɣ ṯeẓrem uȓa ḏ neccin ḏayneɣ mezȓi akenniw nẓer.

Ayṯ-Kulus 3:14

Ktar marra zi ṯmesȓayin-a ṯina itxeṣṣa aḏ tesxeḏmem ȓemḥibbeṯ jarawem minzi ȓemḥibbeṯ-a tas-d am yijjen n usɣun ig ismunen marra ṯimesȓayin-a ḏeg yicten.

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.

Luqa 1:23

Wami ƹḏun wussan n ȓxeḏmeṯ nnes iḏweȓ ɣar ṯeddarṯ nnes.