Lwaḥi 2:10 - Ṯarifiṯ 2020

¹⁰ War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

Lwaḥi 2:10 Referans Kwoze

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

Matta 10:22

Akenniw ƹiffen marra ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

1 Buṭrus 5:4

Xmi d ɣa imeḍhar Umeksaw ameqqran ataf aḏ tqebȓem ijjen n ttaj ƹemmarṣ aḏ ikcef.

Marqus 13:13

Akenniw ƹiffen marra iwḏan ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

Ayṯ-Ufasus 6:12

Liʼanna neccin war netmenɣi ca ḍed i yiwḏan n uysum ḏ iḏammen. Lla, netmenɣa ḍed n ṯzemmar n ṯaǧest-a ṯanita n zman-a ḏ yinni ig iḥekkmen ḏ yinni ig ijehḏen ḏi ṯaǧest-a. Neccin netmenɣa ḍed n ccayaṭin iƹeffanen ig iǧan ḏeg imucan n ijennaṯen.

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.

Matta 24:13

Walakin wenni ɣa iṣbaren ɣar uneggaru ataf aḏ injem.

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

1 Ayṯ-Kurinṯ 9:25

Marra yinni itemƹanaḏen ḏi lmelƹab ḥekkmen x ddat nsen ḏi marra ṯimesȓayin-a. Teggen manaya bac aḏ d awin ijjen n ttaj war ḏasen itdumi ca. Walakin neccin ntegg manaya bac a d nawi ijjen n ttaj itduman i ȓebda.

Matta 10:28

War teggwḏeṯ ca zeg yinni ineqqen ddat war zemmaren aḏ nɣen uȓa ḏ ȓaƹmar; Lla, ggwḏeṯ zi Arebbi iƹni wenni izemmaren aḏ idemmar ddat ḏ ȓaƹmar ḏi jahennama.

Lwaḥi 13:7

Itwasmeḥ-as aḏ iḥareb ȓmuminin ṣṣaliḥin, aṯen iɣȓeb. Ṯemmuc-as ssulṭa x kuȓ ȓqum ḏ ccaƹb ḏ lluɣa ḏ ȓgens.

Ayṯ-Ufasus 2:2

Ḏaysent iy tuɣa tƹicem xmi ṯeggurem ḏeg ubriḏ n ddunect-a ṯḏeffarem arrayes n ȓeḥkam iy iǧan jar ujenna ḏ ṯmurṯ iƹni Cciṭan iy iǧan netta ḏ arruḥ nni ig ixeddmen ḏeg yinni iy iƹeṣṣan Arebbi.

Yuḥanna 13:2

Qbeȓ amensi tuɣa Ibȓis iɣarr Yahuḏa mmis n Simƹan Isxaryuṭi ḥima aḏ izzenz Ƹisa.

Yuḥanna 12:25

Wenni itexsen ṯuḏarṯ nnes, ataf at ixsar. Wenni itƹiffan ṯuḏarṯ nnes ḏi ddunect-a, ataf at yaf ḏi ṯuḏarṯ n ȓebda.

Luqa 21:12

Qbeȓ i marra manaya akenniw ṭṭfen, akenniw ƹeddben, akenniw sellmen i ṯemziḏawin nsen. Akenniw ḥebsen, akenniw jarren ɣar izeǧiḏen ḏ lḥukkam ƹlaḥsab isem inu.

Marqus 8:35

Ȓaḥeqqac wenni ixsen aḏ isenjem ṯuḏarṯ nnes ataf at ixsar. Wenni iy ɣa ixsaren ṯuḏarṯ nnes x ssabab inu ḏ ssabab n Lʼinjil ataf at isenjem.

Lwaḥi 13:2

Ȓwaḥc-a iy ẓriɣ itcabbah ḏeg uɣiȓas, iḍaren nnes ggin am iḍaren n ddub, aqemmum nnes igga am uqemmum n ssbaƹ. Wenni iǧan am ddaynaṣur yuca-as i ȓwaḥc-a jjheḏ nnes ḏ lƹarc nnes ḏ ijjen n ssulṭa ṯemɣar.

Ȓexḏayem 21:13

Inna-aneɣ: "Min kenniw yuɣin? Mayemmi iy ḏayi ṯeḥfarem ḏeg wuȓ s imeṭṭawen nwem? Nec aqayi mujud maci aḏayi qqnen waha. Nec aqayi mujud aḏ mmṯeɣ ḏi Lquds ƹlaḥsab isem n Siḏiṯneɣ Ƹisa!"

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Yuḥanna 13:27

Wami iṭṭef areqquz nni n uɣrum Yahuḏa ȓexddenni yuḏef-iṯ Cciṭan. Inna-as Ƹisa: "Ḏeɣya, egg min ɣa ṯeggeḏ."

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."