Lwaḥi 19:8 - Ṯarifiṯ 2020

⁸ Immuc-as axas ṯegg ȓkettan n lulan aṣebḥan, ireqq, iṣfa." (Ȓkettan n lulan aṣebḥan iƹni netta ḏ ȓexḏayem ig iǧan nican n ȓmuminin ṣṣaliḥin.)

Lwaḥi 19:8 Referans Kwoze

Lwaḥi 3:18

Qa nec neṣṣḥeɣ-cek axafi ṯesɣeḏ ddheb itwaṣfan s ṯmessi ḥima aḏ tdewȓeḏ ḏ ttajar. Seɣ ƹaweḏ arruḍ ḏ acemȓaȓ ḥima aḏ tesarḍeḏ ixef nnec zi ṯuƹaryant nnec ƹaweḏ ḏ can ddwa ḥima aḏ tesgenfiḏ ṯiṭṭawin nnec ataf twaȓiḏ.

Ayṯ-Ruma 13:14

Walakin, ggeṯ ȓeḥwayej n Siḏiṯneɣ Ƹisa Lmasiḥ. War rehham ca ak ṭṭabiƹa ṯaƹeffant nwem, war tseƹƹafeṯ ca ccehawaṯ nnes.

Marqus 9:3

Iḏweȓ warruḍ nnes ḏ acemȓaȓ ireqq, war izemmar uȓa ḏ ijjen x ṯmurṯ aḏ yarr arruḍ ḏ acemȓaȓ am wenni.

Matta 22:12

Iruḥ ɣares inna-as: Ay ameddukeȓ, mammec ṯeggiḏ ṯuḏfeḏ-d bȓa arruḍ n ȓfarḥ? Aryaz nni istuk.

Lwaḥi 15:4

A Siḏi, min ƹnan yinni war c iteggwḏen? Min ƹnan yinni isem nnec war ṯ isemɣaren? Aqa cek waḥḏec ig iṣfan. Marra ȓegnus aḏ d asen aḏac sejjḏen, minzi ȓexḏayem nnec banent-id nican."

Ȓexḏayem 1:10

Qqimen txezzaren mliḥ wami yuȓi ɣar ujenna, ƹlaɣafla ufin akiḏsen ṯnayen n iṯarrasen bedden, ɣarsen arruḍ ḏ acemȓaȓ.

Luqa 24:4

Niṯenti wami qqiment ḏehhcent ḏi manayenni, bedden-d ɣarsent ṯnayen n iṯarrasen ggin arruḍ itceƹciƹ.

Ayṯ-Ruma 3:22

Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

Matta 17:2

Ḏinni zzaṯ i ṯiṭṭawin nsen iḏweȓ am yijjen n nnur, aɣembub nnes itceƹciƹ am ṯfuct. Iḏweȓ warruḍ nnes ḏ acemȓaȓ ireqq am ṯfawṯ.

Lwaḥi 15:6

Ffɣent-id zzayes sebƹa-ya n lmalaʼikaṯ ɣarsent lmuṣibaṯ nni s sebƹa. Ggint arruḍ n ȓkettan n lulan iṣfan iȓeqqen, kuȓ icten zzaysent ɣares aḥezzam n ddheb iqḍeƹ-d zeg uɣiȓ ɣar nneṣṣ.

Lwaḥi 19:14

Ȓƹaskar n ujenna ḏeffaren-ṯ nyin x yiysan ḏ icemȓaȓen, ggin arruḍ n ȓkettan n lulan aṣebḥan ḏ acemȓaȓ inqa.