Lwaḥi 18:6 - Ṯarifiṯ 2020

⁶ Arrem-as min ḏawem ṯegga nettaṯ, dublam-as ṯnayen n ṯwaȓaṯin ȓefƹayeȓ nnes. Ȓkas nni iy zi ṯsessew i yiwḏan, sesswem-as-ṯ marrṯayen.

Lwaḥi 18:6 Referans Kwoze

Lwaḥi 16:19

Ṯceqq ṯendint ṯameqqrant x tȓaṯa, nheḏment ṯneddam n ȓegnus. War ittu ca Arebbi ṯandint n Babil ṯameqqrant, fa innama yuca-as aḏ tsew zi ȓkas n waman uḍiȓ iƹni lƹiqab nnes ameqqran.

Lwaḥi 14:10

ataf aḏ isew zeg waman uḍiȓ iqesḥen ig iǧan ḏ aɣḍab n Arebbi iƹni ḏ ȓkas n lƹiqab nnes. Aḏ iƹeddeb s ṯmessi ḏ ȓekbriyeṯ zzaṯ i lmalaʼikaṯ iṣfan ḏ Yizmar.

Lwaḥi 17:4

Ṯamɣarṯ-a ṯegga arruḍ ḏ gruna ḏ uzeggwaɣ iḥeḏqen. Ṯzewweq s ddheb ṯegga ṯiƹeqqayin iy iɣȓan ḏ jjuwhar. Ḏeg ufus nnes ijjen n ȓkas n ddheb iƹemmar s ṯuƹuffna ḏ min iǧan ḥram n lfasad nnes.

2 Timutawus 4:14

Iskander wenni itṣennaƹen nneḥḥas iḍarr-ayi aṭṭas, aṯ ixeǧes Arebbi x ȓefƹayeȓ nnes.

Lwaḥi 17:2

Fesḏen akiḏes izeǧiḏen n ṯmurṯ u ƹaweḏ imezḏaɣ n ṯmurṯ skaren s waman uḍiȓ iƹni lfasad nnes."

Lwaḥi 13:10

Wenni minxef yura aḏ itwaḥebbes, ataf aḏ itwaḥebbes. Wenni minxef yura aḏ itwaneɣ s ssif, ataf aḏ itwaneɣ s ssif. Ḏi lḥala nni itxeṣṣa ȓmuminin ṣṣaliḥin aḏ ṣbaren aḏ amnen.

Lwaḥi 18:20

Ay ajenna, fareḥ x uhḏam nnes. Farḥem a ȓmuminin ṣṣaliḥin ḏ arrusul ḏ lʼanbiya! Aqa iḥaseb-it Arebbi x min ḏawem ṯegga."