Lwaḥi 15:5 - Ṯarifiṯ 2020

⁵ Menbaƹd i manaya ẓriɣ ṯamziḏa ṯameqqrant iƹni aqiḍun n chaḏeṯ inurzem ḏeg ujenna.

Lwaḥi 15:5 Referans Kwoze

Lwaḥi 11:19

Ṯnurzem ṯemziḏa ṯameqqrant n Arebbi ḏeg ujenna, imeḍhar-d tabut n ȓƹaheḏ n Arebbi ḏi ṯemziḏa nni. Iwqeƹ wassam ḏ iɣuyan ḏ wajjaj ḏ zzinzal ḏ icarra aṭṭas.

Matta 27:51

Ȓexddenni ig iqqars arrwaq n ṯemziḏa ṯameqqrant x ṯnayen zeg ujenna aȓ ṯmurṯ. Iwqeƹ zzinzal, nferqen yizra x ṯnayen.

Iƹibraniyen 8:5

Yina xeddmen ccɣeȓ nsen ḏeg yijjen n ṯemziḏa nettaṯ am yijjen n ṯiȓi itemcabbahen ḏi min iǧan ḏeg ujenna. X manayenni Arebbi iƹȓem i Musa wami ibḏa isbedda Aqiḍun nni Ameqqran inna-as:

Lwaḥi 13:6

Ibḏa issawaȓ s wawaȓ war iḥȓin x Arebbi, iƹni s wawaȓ war iḥȓin x yisem nnes ḏ ṯzeddiɣṯ nnes ḏ imezḏaɣ ujenna.