Lwaḥi 14:14 - Ṯarifiṯ 2020

¹⁴ Wami xzareɣ, twaȓiɣ ijjen n useynu ḏ acemȓaȓ, wenni xas iqqimen itcabbah ḏi mmis n bnaḏem, x uzeǧif nnes ijjen n ttaj n ddheb, ḏeg ufus nnes ijjen n umjar iqḍeƹ.

Lwaḥi 14:14 Referans Kwoze

Lwaḥi 1:13

Ḏi ȓwesṭ n ȓeqnaḏeȓ nni ufiɣ ḏinni ijjen itcabbah ḏi mmis n bnaḏem, ɣares čammir ḏ azeyrar ḥetta aȓ iḍaren nnes. Ɣares ijjen n uḥezzam n ddheb iqḍeƹ-d zeg uɣiȓ ɣar nneṣṣ.

Iƹibraniyen 2:9

Walakin Ƹisa wah, netwaȓa-ṯ ȓexxu s ttaj nnes n ȓuweqqar ḏ waṭṭas n ccan. Mayemmi? Lʼianna Ƹisa ḏeg yijjen n ȓweqṯ tuɣa isehwa-ṯ-iḏ Arebbi cwayt swadday i lmalaʼikaṯ iƹni wami iṣbar i ȓaƹḏab n ȓmewṯ. Bac netta s arḍa n Arebbi aḏ iqqas ȓmewṯ, ȓmewṯ nni aḏ tiȓi n marra iwḏan.

Luqa 21:27

Ȓexddenni iy ɣa ẓren Mmis n bnaḏem ihewwa-d ḏeg useynu s lƹaḍama ḏ jjheḏ nnes imɣaren.

Matta 17:5

Ƹaḏ issawaȓ Buṭrus ihwa-d xasen yijjen n useynu itseqsiq. Ṯendeq-d ijjen n ṯmijja zeg useynu nni ṯenna-asen: "Qa ḏ wanita ḏ Mmi iƹizzen, nec farḥeɣ zzayes. Ṣennṭeṯ ɣares."

Lwaḥi 6:2

Wami xzareɣ, twaȓiɣ ijjen n uyis ḏ acemȓaȓ, wenni xas inyin ɣares ijjen n neccab n fȓiča. Ucin-as ijjen n ttaj, iffeɣ irebbeḥ ḏi ȓḥarb u ƹaḏ aḏ irbeḥ.

Lwaḥi 1:7

Aqa yusa-d ak useynu, aṯ ẓrent marra ṯiṭṭawin ḏ yiwḏan nni iy ṯ icukken. Axas ḥeznen marra ȓqum n ṯmurṯ. Wah, amin.

Lwaḥi 20:11

Ẓriɣ ijjen n lƹarc ḏ acemȓaȓ ḏ ameqqran. Wenni xas iqqimen ṯarweȓ zzayes ṯmurṯ ḏ ujenna war ḏasen iqqim bu umcan.

Lwaḥi 19:12

Ṯiṭṭawin nnes am uḥaḏuq n ṯmessi, x uzeǧif nnes aṭṭas n ttajaṯ. Yura xas ijjen n yisem war ṯ issin ḥadd illa netta.

Lwaḥi 11:17

qqaren: "Netcekkar-icek a Siḏi Arebbi ig izemmaren i kuȓci, cek ig iǧan, cek iy tuɣa iǧan, ȓaḥeqqac ṯesxeḏmeḏ jjheḏ nnec, ṯebḏiḏ tḥekkmeḏ.

Lwaḥi 10:1

Ẓriɣ ijjen n lmalak nneɣni ijheḏ ihwa-d zeg ujenna, inneḍ-as-d useynu. X uzeǧif nnes ijjen n ṯesȓiṯ n unẓar, aɣembub nnes igga am ṯfuct, iḍaren nnes ggin am ipilaren n ṯmessi.

Marqus 4:29

Walakin ɣir aḏ iwjeḏ imendi, ȓexddenni aḏ iffeɣ aḏ imjar minzi ȓweqṯ n umjar ṯuweḍ-d."

Matta 13:30

Jjeṯ irḏan aḏ mɣaren ak isennanen. Axmi d ɣa yaweḍ ȓweqṯ n umjar aḏasen iniɣ i icewwaren: Kkseṯ isennanen ḏ amezwaru smunem-ṯen ceddem-ṯen ḥima aḏ ḥarqen. Walakin irḏan jemƹem-ṯen awim-ṯen ɣar ṯesrafin inu."