Lwaḥi 13:16 - Ṯarifiṯ 2020

¹⁶ Igga bezzez x marra iwḏan s imeqqranen ḏ imezyanen, ḏ twajar ḏ imesƹan, ḏ yinni ɣarsen bab nsen ḏ yinni ɣarsen lḥurriya nsen aḏ ggen ijjen n ṭṭabaƹ x ufus afusi nsen niɣ x ṯenyarṯ nsen.

Lwaḥi 13:16 Referans Kwoze

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.

Lwaḥi 7:3

Inna-asent: "War tḍeyyaƹent ni ȓbarr ni ḏ ȓebḥar ni ḏ ȓcejjur ḥetta ɣa neḍbaƹ ṯanyarṯ n yinni iƹebbḏen Arebbi."

Lwaḥi 19:18

ḥima aḏ teccem aysum n izeǧiḏen ḏ uysum n arruyas n ȓƹaskar ḏ uysum n yinni ijehḏen ḏ uysum n yiysan ḏ yinni xasen inyin ḏ uysum n marra iwḏan iƹni ḏ yinni ɣar iǧa bab nsen ḏ yinni ɣar ṯeǧa lḥurriya nsen, s umezyan ḏ umeqqran."

Lwaḥi 19:5

Ṯusa-d ijjen n ṯmijja zi lƹarc ṯeqqar: "Ḥemḏeṯ Arebbi ya lƹibad nnes marra, a yinni ṯ iteggwḏen s umezyan ḏ umeqqran!"

Lwaḥi 20:12

Ẓriɣ imettinen bedden zzaṯ i lƹarc nni am umezyan am umeqqran. Nurzmen Lkutub, inurzem ijjen n Lkitab nneɣni netta ḏ Lkitab n Ṯuḏarṯ. Twaḥasben imettinen s min yurin ḏi Lkutub ƹlaḥsab ȓexḏayem nsen.

Lwaḥi 6:15

Kkaren izeǧiḏen n ṯmurṯ ḏ imeqqranen nsen ḏ arruyas n ȓƹaskar ḏ twajar ḏ yinni ijehḏen ḏ yinni ɣarsen bab nsen ḏ yinni ɣarsen lḥurriya nsen, ruḥen marra tnuffaren ḏeg yifran ḏ jar yizra n iḏurar.

Ȓexḏayem 26:22

Walakin Arebbi iƹawen-ayi-d zi qbeȓ ḥetta nhara. Ammu aqayi nec ḏanita beddeɣ, tbeccareɣ s umezyan ḏ umeqqran. Qqareɣ ɣir ṯimesȓayin nni iy nnan lʼanbiya ḏ Musa labud aḏ weqƹent.

Lwaḥi 15:2

Ẓriɣ ƹaweḏ amecnaw ȓebḥar n jjaj ixelleṭ ak ṯmessi, bedden xas yinni iɣeȓben ȓwaḥc ḏ lʼaṣnam nnes ḏ rraqem n yisem nnes. Kuȓ ijjen zzaysen ikessi ijjen n ṯgambrit n Arebbi.

Lwaḥi 11:18

Ȓegnus ɣeḍben, yuweḍ-d uɣḍab nnec. Yuweḍ-d Nhar n Lḥisab ḏ Lƹiqab n yinni immuṯen. Aḏ tjaziḏ yinni ḏac ixeddmen iƹni lʼanbiya ḏ ȓmuminin nnec ṣṣaliḥin, ḏ yinni itweqqaren isem nnec s imezyanen ḏ imeqqranen. Aḏ teqḍiḏ x yinni isefsaḏen ṯamurṯ."

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

Ayṯ-Ufasus 6:8

Itxeṣṣa kenniw aḏ tessnem marra ȓxir iy ɣa ṯeggem akenniw ijaza xas Siḏiṯneɣ waxxa kenniw ḏ isemɣan niɣ ḏ ayṯbab nsen.

Ayṯ-Galaṭya 6:17

Ssa aȓ ṯsawent itxeṣṣa war ḏayi itegg ḥadd tamara ȓaḥeqqac ddat inu ḏayes lʼaṯar n Ƹisa.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

2 Timutawus 3:8

Mammec Yanis ḏ Yampris nni tƹarraḍen i Musa, amenni ƹaweḏ uȓa ḏ iryazen-a tƹarraḍen i lḥaqiqa. Ȓaƹquȓaṯ nsen ƹewwjen, lʼiman nsen ixwa.