Biblia Todo Logo
Bib sou entènèt

- Piblisite -




Lwaḥi 12:9 - Ṯarifiṯ 2020

9 Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Gade chapit la Kopi




Lwaḥi 12:9
68 Referans Kwoze  

Inna-asen Ƹisa: "Tuɣa twaȓiɣ Cciṭan iwḍa-d zeg ujenna mamc d iweṭṭa ȓbarq.


Ȓexxu aḏ twaƹaqeb ddunect-a. Ȓexxu Lmufsid nni ameqqran n ddunect-a axas azzȓen.


Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.


Nessen illa neccin zi Arebbi, nessen ƹaweḏ marra ddunect-a aqat swadday i ṯzemmar n Lmufsid.


Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.


Iwqeƹ ȓḥarb ḏeg ujenna. Mikaʼil ḏ lmalaʼikaṯ nnes ḥarben bu-sebƹa izeǧifen. Bu-sebƹa-ya izeǧifen ḏ ccayaṭin nnes ḥarben ƹaweḏ uȓa ḏ niṯni.


Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.


Aḏ d iffeɣ aḏ ixḏeƹ ȓegnus x arbeƹa n jwayeh n ṯmurṯ, iƹni Hajuj u Majuj. Aṯen ismun aḏ ḥarben, lƹadad nsen igga am yijḏi n ȓebḥar.


Ṯmeḍhar-d ḏeg ujenna ijjen n lƹalama nneɣni ṯegga am ddaynaṣur ḏ ameqqran ḏ azeggwaɣ ɣares sebƹa n izeǧifen ḏ ƹecra n waccawen, ḏ sebƹa n ttajaṯ x izeǧifen nnes.


Ṯekkar lmalaʼika wis xemsa ṯṣuḍ ḏi zzammar nnes uca ẓriɣ ijjen n yiṯri tuɣa iwḍa-d zeg ujenna x ṯmurṯ. Immuc-as i yiṯri nni ȓmeftaḥ n wanu nni itawin ɣar ȓaǧeɣ bȓa ȓaḥedd.


Amma kenniw nneɣni iy iǧan ḏi Ṯiyatra war ṯeqbiȓem ca ttaƹlim nni, war ṯessinem ca manayenni umi qqaren yiwḏan Qqareɣ-awem nec war xawem teggeɣ bu ca n dqeȓ nneɣni.


Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.


Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.


Iwa war nesteɣȓib ca liʼanna Cciṭan netta s yixef nnes isneƹmiȓ ḏ ijjen n lmalaʼika n nnur.


Manaya ḥima Cciṭan war ḏaneɣ ixeddeƹ ca, aqa war nɣeffeȓ ca x min itciṭin netta.


Liʼanna yina war xeddmen ca i Siḏiṯneɣ Ƹisa Lmasiḥ, xeddmen ɣir i uƹeddis nsen waha. S wawaȓ yiziḍen ḏ lmuhawaḍa izewwqen xeddƹen uȓawen n yinni iy ḏi ṯeǧa nniyyeṯ.


bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.


Inna-as Ƹisa: "Xzar a Simƹan: Cciṭan irezzu akenniw iɣarbeȓ am mammec tɣarbaȓen irḏan.


Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.


Yuḏef Cciṭan ḏeg wuȓ n Yahuḏa wenni umi qqaren Isxaryuṭi, netta zi ṯenƹac nni n arrusul.


Zzarriƹeṯ nni ig iwḍan x ubriḏ nettaṯ am yiwḏan iy tesȓan i wawaȓ n Arebbi. Itraḥ Ibȓis itekkes-asen-ṯ zeg wuȓ ḥima war timnen ca, war nejjmen ca.


Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!


Indeq-d Ƹisa inna-as: "Ruḥ, beƹƹeḏ-ayi a Cciṭan. Aqa Lkitab iqqar: "


Ssenni Ibȓis yuwi Ƹisa ɣar ṯqiccat n yijjen n uḏrar yuƹȓa aṭṭas. Ismeḍhar-as-d marra lmemlakaṯ n ddunect-a ḏ ṯuṣubḥant nsent.


Ssenni Ibȓis yuwi Ƹisa ɣar ṯendint n Lquds, isiȓi-ṯ x ṯqiccat n ṯemziḏa ṯameqqrant.


Ssenni Arruḥ nni n Arebbi yuwi Ƹisa ɣar ȓexȓa ḥima aṯ ijarreb Ibȓis.


Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.


Yina ḏ arruḥaṯ n ccayaṭin teggen lmuƹjizaṯ zaƹma. Traḥen ɣar izeǧiḏen n ṯmurṯ marra ḥima aṯen smunen i ȓḥarb ḏi Nhar nni ameqqran n Arebbi ig izemmaren i kuȓci.


Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.


Walakin iwḏan ig inejmen zi lmuṣibaṯ-a war tuben ca s min ggin s ifassen nsen. Qqimen ƹaḏ ƹebbḏen ccayaṭin ḏ lʼaṣnam n ddheb ḏ nnuqarṯ ḏ nneḥḥas ḏ uzru ḏ ukeccuḍ iy war itwiȓin ca iy war itsȓin ca iy war igguren ca.


Amma yinni zi jmaƹṯ iy iƹebbḏen Cciṭan ḥessben ixef nsen zi Ayṯ-Israʼil, walakin niṯni war ǧin ca zi Ayṯ-Israʼil sxerriqen waha. Aṯen d arreɣ s bezzez aḏ d asen aḏ sejjḏen ɣar iḍaren nnec aḏ ssnen nec tḥibbiɣ-cek.


Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.


Walakin min igga lmalak ameqqran Mikaʼil wami imneɣ ak Ibȓis imnaqar akiḏes x ddat immuṯen n Musa? Waxxa ḏ Mikaʼil-a war izƹim ca aḏ yini ca n wawaȓ war iḥȓin x Ibȓis, yenna-as cek ac inha Siḏi Arebbi!


Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.


Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.


Ƹaweḏ Adam war ṯ icmiṯ ca Cciṭan, ḏ ṯamɣarṯ itwacemṯen ṯeƹṣa Arebbi.


Lla, war tejjam ḥadd akenniw icmeṯ s walu. Ataf war izemmar Yum nni aḏ d yas qbeȓ ma aḏ semḥen aṭṭas aṭṭas n yiwḏan ḏ amezwaru ḏi Arebbi aḏ d imeḍhar lmesxuṭ mmis n ȓefna.


Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.


Iḏen immuc-ayi ijjen n usennan ḏeg uysum inu, mayemmi? Ḥima war semɣareɣ ca ixef inu ƹlaḥsab ṯimesȓayin-a istƹejjiben iy ḏayi d isbeyyen Arebbi ḏi lwaḥi. Asennan-a wenni iy d issekken Cciṭan itƹeddab-ayi bac war semɣareɣ ca ixef inu.


Arebbi n ȓehna netta ƹȓayen aḏ iȓbeẓ Cciṭan swadday i iḍaren nwem. Akiḏwem yiȓi arḍa n Siḏiṯneɣ Ƹisa Lmasiḥ.


Inna-as Buṭrus: "Ay Anas, mayemmi ṯejjiḏ Cciṭan ac iɣarr yuḏef ḏeg wuȓ nnec ṯesxerrqeḏ x Arruḥ iqeddsen ṯesnuffareḏ can n tmenyaṯ i yixef nnec zi tmenyaṯ n ṯmurṯ nni?


U ɣalṭen x lḥisab minzi Lmufsid nni ameqqran n ddunect-a itwaḥkem.


War kiḏwem ssiwiȓeɣ ca nec ƹaḏ aṭṭas minzi Lmufsid nni ameqqran n ddunect-a itas-d. War ɣares bu ṯzemmar xafi.


Ṯamɣarṯ-a meskina iǧan zi ddurriṯ n Brahim iḥebbes-it Cciṭan ṯmenṭac iseggwusa, ma war ḏas nrezzem ca zi ȓeḥbes-a ḏi nhar n lƹibada ma lla?"


Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.


Ȓaƹḏu ig izerrƹen isennanen netta ḏ Ibȓis. Ȓweqṯ n umjar nettaṯ ḏ ȓefna n zman. Ixeddamen niṯni ḏ lmalaʼikaṯ.


Isnekkar ṯɣuyyeṯ s jjheḏ inna: "Qa ṯewḍa qa ṯewḍa Babil ṯameqqrant! Ṯeḏweȓ ḏ ṯazeddiɣṯ n ccayaṭin, ḏ ṯanwaȓṯ i mkuȓ jjenn aƹeffan, ḏ axbuc i mkuȓ ajḍiḍ ig iǧan ḥram ig iƹiffen.


Ƹemmarṣ aḏayem ṯceƹƹeȓ ṯfawṯ n ȓqendiȓ. Ƹemmarṣ aḏayem tesȓan i ṣṣut n muȓay ḏ ṯsȓiṯ. Aqa isebbaben nnem tuɣa ǧan ḏ imeqqranen n ṯmurṯ, s ssiḥer nnem ṯxeḏƹeḏ marra ȓegnus.


War ḏasent zemmaren i lmalaʼikaṯ nni, bu-sebƹa-ya izeǧifen ḏ ccayaṭin nnes ḍeyyƹen amcan nsen ḏeg ujenna.


X manaya, fareḥ ay Ajenna, ḏ yinni ḏayes izeddɣen! Walakin ya tamara x imezḏaɣ n ȓbarr ḏ ȓebḥar! Ibȓis ihwa-d ɣarwem iɣḍeb aṭṭas, minzi issen ṯeqqim-as ḏrus n ȓweqṯ."


Swiv nou:

Piblisite


Piblisite