Lwaḥi 12:17 - Ṯarifiṯ 2020

¹⁷ Iɣḍeb bu-sebƹa izeǧifen x ṯemɣarṯ nni iruḥ aḏ iḥareb s min iqqimen zi ddurriṯ nnes, iƹni yinni iteggen array s ȓuṣiyaṯ n Arebbi teṭṭfen x minxef icheḏ Ƹisa.

Lwaḥi 12:17 Referans Kwoze

Lwaḥi 14:12

Ḏi lḥala nni itxeṣṣa-yasen i ȓmuminin ṣṣaliḥin aḏ ṣbaren aḏ ggen array s ȓuṣiyaṯ n Arebbi aḏ amnen zi Ƹisa.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 11:7

Xmi ɣa kemmȓen ȓexbar nsen iy zi ɣa cehḏen, aḏ d igaƹƹeḏ ȓwaḥc zi ȓaǧeɣ bȓa ȓaḥedd aṯen iḥareb, aṯen iɣȓeb, aḏ ineɣ ȓechuḏ nni.

Lwaḥi 6:9

Izmar nni wami irzem acemmaƹ wis xemsa, ẓriɣ swadday i ȓmeḏbaḥ buḥbeȓ n yinni itwanɣen ƹlaḥsab awaȓ n Arebbi ḏ chaḏeṯ iy cehḏen.

Lwaḥi 1:2

U netta ḏ ccaheḏ x marra min iẓra, iƹni x wawaȓ n Arebbi ḏ minxef icheḏ Ƹisa Lmasiḥ.

Lwaḥi 13:7

Itwasmeḥ-as aḏ iḥareb ȓmuminin ṣṣaliḥin, aṯen iɣȓeb. Ṯemmuc-as ssulṭa x kuȓ ȓqum ḏ ccaƹb ḏ lluɣa ḏ ȓgens.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

1 Yuḥanna 5:10

Wenni ɣa yamnen zi Mmis n Arebbi ataf aɣares ṯiȓi chaḏeṯ-a ḏeg wuȓ nnes. Wenni war yuminen ca zi chaḏeṯ-a n Arebbi ataf aṯ yarr ḏ bu-ixarriqen waha ȓaḥeqqac netta war yumin ca zi chaḏeṯ-a ig icheḏ ƹlaḥsab Mmis.

1 Yuḥanna 5:2

Mammec ɣa negg neccin a nessen illa ntexs ṯarwa n Arebbi? Ntessen-iṯ meȓa ntexs Arebbi netṭaƹa-asent i ȓuṣiyaṯ nnes.

1 Yuḥanna 2:3

Mammec ɣa negg neccin a nefhem belli nessen-iṯ? Qa ṯ nessen meȓa netṭaƹa-asent i ȓuṣiyaṯ nnes.

Lwaḥi 22:14

Ssaƹḏ n yinni itṣebbanen ičammiren nsen, ḥima aɣarsen yiȓi ȓḥaqq ḏi ṯcejjarṯ n ṯuḏarṯ aḏ aḏfen ṯandint zi ṯewwura nnes.

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.

Lwaḥi 19:19

Ẓriɣ ȓwaḥc ḏ izeǧiḏen n ṯmurṯ ḏ ȓƹaskar nsen njemƹen ḥima aḏ ḥarben wenni inyin x uyis ḏ ȓƹaskar nnes.

Lwaḥi 18:20

Ay ajenna, fareḥ x uhḏam nnes. Farḥem a ȓmuminin ṣṣaliḥin ḏ arrusul ḏ lʼanbiya! Aqa iḥaseb-it Arebbi x min ḏawem ṯegga."

Lwaḥi 17:6

Ẓriɣ ṯamɣarṯ nni ṯsekkar s iḏammen n ȓmuminin ṣṣaliḥin ḏ iḏammen n yinni icehhḏen x Ƹisa. Wami t ẓriɣ ḏehceɣ aṭṭas.

1 Ayṯ-Kurinṯ 2:1

Ay ayṯma, nec wami d usiɣ ɣarwem, usiɣ-d aḏ beccareɣ s ȓmaƹna inuffaren n Arebbi, maci usiɣ-d aḏ beccareɣ s wawaȓen izewwqen niɣ s ȓefhameṯ nni n bnaḏem.

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Lwaḥi 12:16

Walakin ṯamurṯ ṯsenjem ṯamɣarṯ nni, ṯerzem aqemmum nnes ṯseɣȓi iɣzar iy d isufeɣ bu-sebƹa izeǧifen zeg uqemmum nnes.