Lwaḥi 1:9 - Ṯarifiṯ 2020

⁹ Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Lwaḥi 1:9 Referans Kwoze

Lwaḥi 3:10

Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Lwaḥi 1:2

U netta ḏ ccaheḏ x marra min iẓra, iƹni x wawaȓ n Arebbi ḏ minxef icheḏ Ƹisa Lmasiḥ.

Lwaḥi 13:10

Wenni minxef yura aḏ itwaḥebbes, ataf aḏ itwaḥebbes. Wenni minxef yura aḏ itwaneɣ s ssif, ataf aḏ itwaneɣ s ssif. Ḏi lḥala nni itxeṣṣa ȓmuminin ṣṣaliḥin aḏ ṣbaren aḏ amnen.

Ayṯ-Filippas 4:14

Walakin mliḥ wami ṯcarcem akiḏi ḏi lmacakil inu.

Lwaḥi 12:11

Ɣeȓben-ṯ ayṯmaṯneɣ s iḏammen n Yizmar ḏ chaḏeṯ nsen. Ṯuḏarṯ nsen war xasen ṯƹizz ca, wejḏen aḏ mmṯen.

Lwaḥi 7:14

Jawbeɣ-ṯ nniɣ-as: "Ḏ cek iy issnen a Siḏi." Inna-ayi: "Yina ḏ yinni inejmen zi ȓmiḥneṯ ṯameqqrant, ṣebbnen ičammiren nsen s iḏammen n Yizmar arrin-ṯen ḏ icemȓaȓen.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

Ayṯ-Ruma 8:25

Lla, walakin meȓa ƹaḏ war ṯ nufi ca ataf aṯ nraja s ṣṣbar.

Lwaḥi 14:12

Ḏi lḥala nni itxeṣṣa-yasen i ȓmuminin ṣṣaliḥin aḏ ṣbaren aḏ ggen array s ȓuṣiyaṯ n Arebbi aḏ amnen zi Ƹisa.

Iƹibraniyen 10:36

Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.

Ayṯ-Filippas 1:7

Ɣari ȓḥaqq aḏaywem fekkareɣ amenni ȓaḥeqqac aqa kenniw ɣari ḏeg wuȓ inu. Aqa marra ṯcarrcem akiḏi ḏi arḍa n ȓxeḏmeṯ-a waxxa aqayi ḏi ȓeḥbes niɣ tḏafaƹeɣ x Lʼinjil ḏ ȓḥaqq iy ḏayes.

Lwaḥi 11:7

Xmi ɣa kemmȓen ȓexbar nsen iy zi ɣa cehḏen, aḏ d igaƹƹeḏ ȓwaḥc zi ȓaǧeɣ bȓa ȓaḥedd aṯen iḥareb, aṯen iɣȓeb, aḏ ineɣ ȓechuḏ nni.

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 12:17

Iɣḍeb bu-sebƹa izeǧifen x ṯemɣarṯ nni iruḥ aḏ iḥareb s min iqqimen zi ddurriṯ nnes, iƹni yinni iteggen array s ȓuṣiyaṯ n Arebbi teṭṭfen x minxef icheḏ Ƹisa.

Lwaḥi 6:9

Izmar nni wami irzem acemmaƹ wis xemsa, ẓriɣ swadday i ȓmeḏbaḥ buḥbeȓ n yinni itwanɣen ƹlaḥsab awaȓ n Arebbi ḏ chaḏeṯ iy cehḏen.

Lwaḥi 1:4

Zi Yuḥanna ɣar sebƹa n ṯjumaƹ n ȓmuminin ḏi lʼiqlim n Asya. Akiḏwem yiȓi arḍa ḏ ȓehna zeg wenni ig iǧan, tuɣa iǧa, ƹaḏ aḏ d yas. Akiḏwem yiȓi arḍa zi sebƹa n arruḥaṯ ig iǧan zzaṯ i lƹarc nnes.

2 Ayṯ-Salunik 3:5

Aḏ issiweḍ Siḏiṯneɣ uȓawen nwem ɣar ȓemḥibbeṯ n Arebbi, ƹaweḏ ɣar ṣṣbar n Lmasiḥ.

Matta 20:23

Inna-asen: "Wah, ataf aḏ teswem zi ȓkas inu. Walakin aɣimi x ufusi inu ḏ uẓeȓmaḍ inu war iǧi bu ḏ nec iy ṯ ɣa yucen, aḏ immuc i yinni umi ṯen isewjeḏ Baba."

Marqus 10:39

Nnan-as: "Wah, nzemmar-as!" Inna-asen Ƹisa: "Wah, ataf aḏ teswem zi ȓkas nni iy zi ɣa sweɣ nec, aḏ tɣeḍsem ḏi ȓaƹḏab nni iy ḏi ɣa ɣeḍseɣ nec.

Ȓexḏayem 1:15

Ḏeg wussan nni ikkar Buṭrus ibedd ḏi ȓwesṭ n ȓmuminin (ḏinni can miyya u ƹicrin iḏsen) inna-asen:

2 Ayṯ-Kurinṯ 1:7

Lʼamal nneɣ ƹlaḥsab kenniw ijheḏ. Aqa nessen mammec ṯcarrcem ḏi tamara nneɣ, amenni ƹaweḏ nessen aḏ tcarrcem ḏeg umƹawan nneɣ.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

Lwaḥi 1:1

Wanita ḏ lwaḥi n Ƹisa Lmasiḥ. Yuca-as-ṯ Arebbi ḥima aṯ ismeḍhar i yinni iy ṯ iƹebbḏen. Manaya itxeṣṣa u labud aḏ iwqeƹ ḏeɣya. Lmasiḥ issekk lmalak nnes aḏ ixebbar manaya i ȓƹabḏ nnes qqaren-as Yuḥanna.

Lwaḥi 1:6

Igga zzayneɣ ijjen n lmemlaka ḏ ȓfuqaha i Arebbi Babas. Aɣares ṯiȓi lƹaḍama ḏ ȓeḥkam i netta i ȓebda, amin.

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.