Luqa 9:39 - Ṯarifiṯ 2020

³⁹ Memmi ixeṭṭef-iṯ ijjen n jjenn, ḏeɣya isnekkar ṯɣuyyeṯ. Jjen nni iserjiji-ṯ aȓ d ɣa isufeɣ netta kuffu zeg uqemmum nnes, war ḏas irexxu ḥetta aȓ ṯ ɣa isala.

Luqa 9:39 Referans Kwoze

Luqa 8:29

Inna manaya minzi Ƹisa tuɣa yumar jjenn nni aƹeffan ḥima aḏ iffeɣ zeg uryaz nni. Ƹaweḏ minzi jjenn nni iteṭṭef-iṯ aṭṭas n ṯwaȓaṯin. Waxxa teqqnen-as ifassen ḏ iḍaren nnes s snaseȓ ḥeṭṭan-ṯ, itrezza-ṯent indeh-iṯ jjenn nni ɣar ȓexȓa.

Luqa 4:35

Izeyyar-iṯ Ƹisa inna-as: "Stuk cek, ffeɣ zzayes!" Iseɣḍeȓ jjenn aryaz nni ɣar ṯmurṯ ḏi ȓwesṭ nsen ȓexddenni iffeɣ zzayes war ḏas iggi walu.

Marqus 9:26

Isnekkar ṯɣuyyeṯ jjenn nni iserjiji aḥenjir nni aṭṭas ȓexddenni iffeɣ zzayes. Aḥenjir nni iḏweȓ axmi immuṯ, nnan aṭṭas n yiwḏan aqa immuṯ ṣafi.

Marqus 9:20

Uwin-ṯ-id ɣar Ƹisa, jjenn nni yallah iẓra Ƹisa iserjiji aḥenjir nni iwḍa ɣar ṯmurṯ, iterjiji itekk-as-d kuffu zeg uqemmum.

Lwaḥi 9:11

Azeǧiḏ nsent netta ḏ lmalak n ȓaǧeɣ bȓa ȓaḥedd, s lƹibriya qqaren-as Abaddun, s ṯyunaniṯ qqaren-as Abulyun.

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Marqus 9:18

Mani ma iṭṭef-iṯ iɣeṭṭaȓ-iṯ ɣar ṯmurṯ, isufuɣ-d netta kuffu zeg uqemmum nnes itɣeẓẓaẓ ṯiɣmas nnes iḏewweȓ war itenhezzi. Ttareɣ zeg imeḥḍaren nnec azzayes sufɣen jjenn nni walakin niṯni war ḏas zemmaren ca."

Luqa 9:38

Iȓaɣa ijjen n uryaz zi ȓɣaci nni inna: "A Lmuƹallim, tettareɣ zzayec aḏ texzareḏ mmi aqa ḏ wa waha iy ɣari.

Luqa 9:40

Ttareɣ zeg imeḥḍaren nnec azzayes sufɣen jjenn-a walakin niṯni war ḏas zemmaren ca."