Luqa 9:26 - Ṯarifiṯ 2020

²⁶ Wenni xafi ɣa iƹeffaren nec niɣ aḏ iƹeffar x wawaȓ inu, ataf axas iƹeffar Mmis n bnaḏem xmi d ɣa yas s lƹaḍama nnes ḏ lƹaḍama n Babas ak lmalaʼikaṯ iqeddsen.

Luqa 9:26 Referans Kwoze

2 Timutawus 2:12

Meȓa neṣbar, uca a neḥkem akiḏes. Meȓa nenkar-iṯ, uca ƹaweḏ netta aḏaneɣ inkar.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Marqus 8:38

Wenni xafi ɣa iƹeffaren nec niɣ aḏ iƹeffar x wawaȓ inu ḏi zman-a aƹeffan ixeddƹen Arebbi, ataf axas iƹeffar Mmis n bnaḏem xmi d ɣa yas s lƹaḍama n Babas ak lmalaʼikaṯ iqeddsen.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 25:31

Xmi d ɣa yas Mmis n bnaḏem s lƹaḍama nnes, akiḏes marra lmalaʼikaṯ, aḏ iqqim x lƹarc nnes n lƹaḍama.

Yuḥanna 12:43

Aqa rezzun arḍa n yiwḏan ktar zi arḍa n Arebbi.

Lwaḥi 20:11

Ẓriɣ ijjen n lƹarc ḏ acemȓaȓ ḏ ameqqran. Wenni xas iqqimen ṯarweȓ zzayes ṯmurṯ ḏ ujenna war ḏasen iqqim bu umcan.

Yahuḏa 1:14

Fa Axnux wenni ig iǧan ḏ ayyaw n Adam zi jeddiṯwem wis sebƹa netta iƹȓem ijjen n wawaȓ zi Arebbi inna-ṯ x iṯarrasen-a: "Xzareṯ, aqa yusa-d Siḏiṯneɣ s waȓaf n uȓufaṯ n imqeddsen nnes

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

Lwaḥi 3:5

Wenni ɣa irebḥen aḏas ggen arruḍ ḏ acemȓaȓ. Nec ƹemmarṣ aḏ mesḥeɣ isem nnes zi Lkitab n Ṯuḏarṯ, axas cehḏeɣ zzaṯ i Baba ḏ lmalaʼikaṯ nnes.

Lwaḥi 1:7

Aqa yusa-d ak useynu, aṯ ẓrent marra ṯiṭṭawin ḏ yiwḏan nni iy ṯ icukken. Axas ḥeznen marra ȓqum n ṯmurṯ. Wah, amin.

Ayṯ-Galaṭya 6:14

Walakin nec ƹemmarṣ aḏ ftaxareɣ illa zi ṣṣalib n Siḏiṯneɣ Ƹisa Lmasiḥ. Zi ṣṣalib nnes iy zi ṯetwaṣelleb ddunect i nec, u zzayes ƹaweḏ nec iy zi twaṣellbeɣ i ddunect.

Matta 26:64

Inna-as Ƹisa: "Aqa ṯenniḏ-ṯ cek. Innama, aqa qqareɣ-awem: Zi ssa aȓ ṯsawent aḏ teẓrem Mmis n bnaḏem iqqim x ufusi n Lqawi. Aṯ ṯeẓrem ƹaweḏ ihewwa-d ak useynu n ujenna."

Iƹibraniyen 13:13

X manaya a nraḥ ɣar Ƹisa ɣar ȓeggwaj n iqiḍan a narbu aḥeggar nni iy xef iṣbar netta.

Iƹibraniyen 11:26

Ifhem meȓa seḥqaren-ṯ ƹlaḥsab Lmasiḥ iƹni manayenni ɣares lqima ktar zi min ɣarsen ḏ lkunuz ḏi Miṣra. Aqa netta ixezzar ɣar zzaṯ ḏi ljaʼiza nnes.

2 Ayṯ-Kurinṯ 12:10

S manaya ƹlaḥsab Lmasiḥ nec farrḥeɣ s ḍḍuƹef inu ḏ ṯukkwra ḏ tamara ḏ uƹeddeb ḏ uziyyar. Mayemmi? Meȓa ḍeƹfeɣ ȓexddenni nec aḏ iȓiɣ jehḏeɣ.

Yuḥanna 5:44

Mammec ɣa ṯeggem aḏ tamnem? Iwa kenniw texsem lƹaḍama n wayawya, war ṯrezzum ca x lƹaḍama n Arebbi aweḥḏani.

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

1 Timutawus 5:21

Aqa ƹeȓmeɣ-ac zzaṯ i Arebbi ḏ Ƹisa Lmasiḥ ḏ lmalaʼikaṯ itwaxḍaren qa labud aḏ teggeḏ ṯimesȓayin-a bȓa ma aḏ teggeḏ ȓfarz ak can ḥadd bȓa ma aḏ teggeḏ ƹaweḏ s wuḏemawen.