Luqa 9:11 - Ṯarifiṯ 2020

¹¹ Wami ȓɣaci ssnen manaya ḏfaren-ṯ. Netta isteqbeȓ-iṯen ibḏa issawaȓ akiḏsen x ȓmulk n Arebbi isgenfa yinni ixsen aḏ genfan.

Luqa 9:11 Referans Kwoze

Iƹibraniyen 4:16

Falihaḏa a nqarreb s zƹameṯ ɣar ȓƹarc n Arebbi ḏayes arḍa bac a naf ḏinni arraḥmeṯ ḏ yijjen n arḍa iy ḏaneɣ ɣa iƹawnen ḏi ȓweqṯ n uḥḏaji nneɣ.

2 Timutawus 4:2

Beccar awaȓ n Arebbi, sewjeḏ ixef nnec aḏ tbeccareḏ ḏi ȓweqṯ nni iy trajiḏ niɣ ḏi ȓweqṯ nni iy war trijiḏ ca. Ȓmuminin nha-ṯen, ƹȓem-asen, cejjeƹ-iṯen s marra ttasiƹ n ȓxaḍar ḏ useȓmeḏ.

Ayṯ-Ruma 15:3

Liʼanna Lmasiḥ war iggi ca min ḏas iteƹjiben i yixef nnes, igga mammec iqqar Lkitab: <Ȓbaṭeȓ iy xac nnan ifḍeḥ-ayi.>

Ayṯ-Ruma 10:14

Iḏen, mammec ɣa ggen aḏ ȓaɣan x wenni iy zi war yuminen ca? Mammec ɣa ggen aḏ amnen zeg wenni umi war xas sȓin ca? Mammec ɣa ggen axas sȓen meȓa war ḏasen itḥeddiṯ ḥadd?

Ȓexḏayem 28:31

Itḥeddaṯ-iṯen s ȓmulk n Arebbi, iseȓmaḏ x Siḏiṯneɣ Ƹisa Lmasiḥ s yijjen n zƹameṯ ḏ lḥurriya.

Yuḥanna 6:37

Marra min ḏayi d iticc Baba itas-d ɣari. Wenni iy d itasen ɣari war ṯ siggwijeɣ ca.

Yuḥanna 4:34

Inna-asen Ƹisa: "Ȓmakla inu aḏ xeḏmeɣ min ixes wenni ḏayi d issekken aḏ kemmȓeɣ ȓxeḏmeṯ nnes.

Luqa 9:2

Issekk-iṯen ḥima aḏ beccaren s ȓmulk n Arebbi aḏ sgenfan imehȓac.

Luqa 8:10

Inna-asen: "Itwasmeḥ i kenniw aḏ tessnem min inuffaren ḏi ȓmulk n Arebbi, walakin i yiwḏan nneɣni lla. Ssawaȓeɣ akiḏsen s ȓemƹani ḥima aḏ xzaren walakin war twiȓin ca, ḥima aḏ sȓen walakin war fehhmen i ca.

Luqa 8:1

Menbaƹd i manaya iggur Ƹisa zi dcar ɣar dcar zeg ubilaj ɣar ubilaj itḥeddaṯ itbeccar s ȓmulk n Arebbi. Akiḏes ṯenƹac n imeḥḍaren nnes

Luqa 5:31

Yarra xasen Ƹisa inna-asen: "Iwḏan iṣeḥḥan war teḥḏijin bu uḍbib, aḍbib teḥḏajan-ṯ imehȓac."

Luqa 1:53

Isejjiwen s ȓxir nnes yinni iǧuzen, issekk twajar s ifassen nsen xwan.

Matta 21:43

S manaya qqareɣ-awem: Ȓmulk n Arebbi aḏawem itwakkes aḏ immuc i yijjen n ccaƹb ig iteggen ȓxir.

Matta 21:31

Uw iggin min ixes babaṯsen zi ṯnayen-a?" Nnan-as: "Amezwaru." Inna-asen Ƹisa: "Aqa tesȓam ȓḥaqq: Iƹeccaren ḏ ṯemɣarin iffɣen abriḏ aḏawem izwaren ɣar ȓmulk n Arebbi.

Matta 14:14

Wami d iḍra Ƹisa zi ṯɣarrabut yufa qaƹ anect nni n yiwḏan, qqsen-as isgenfa imehȓac nsen.

Ayṯ-Ruma 10:17

Falihaḏa, lʼiman itas-d zi min netsȓa, u min ntesȓa netta ḏ awaȓ n Lmasiḥ.

Matta 12:15

Issen Ƹisa manayenni yuyur ssenni. Ḏfaren-ṯ aberru n yiwḏan, isgenfa marra imehȓac nsen.

Luqa 9:10

Wami d ḏewȓen arrusul, ƹawḏen-as i Ƹisa x marra min ggin. Yuwi-ṯen ssenni ɣar jjiheṯ n yijjen n ubilaj umi qqaren Bayt Ṣayda.

Luqa 9:12

Wami iƹḏu ȓḥaȓ usin-d ɣares ṯenƹac n imeḥḍaren nnes nnan-as: "Sekk iwḏan-a ssa ɣar ȓedcuraṯ ḏ ṯuḏrin yuḏsen ammu ḏ wammu, aḏ rzun min ɣa ccen ḏ mani ɣa sensen minzi amcan-a ḏ ȓexȓa waha."