Luqa 8:38 - Ṯarifiṯ 2020

³⁸ Aryaz nni iy zi ffɣen jnun ittar zi Ƹisa ḥima akiḏes iraḥ. Walakin Ƹisa yugi issekk-iṯ inna-as:

Luqa 8:38 Referans Kwoze

Ayṯ-Filippas 1:23

Ȓexxu aqayi jar ṯnayen n ṯmesȓayin-a iy ɣa ixḍareɣ. Ḏayi mizȓi aḏ uyureɣ zi ṯuḏarṯ-a aḏ iȓiɣ ak Lmasiḥ ȓaḥeqqac manaya qaƹ ḥsen zi marra.

Luqa 8:37

Uca ttaren zi Ƹisa marra ayṯbab n jjiheṯ n ijariṯiyen ḥima axasen ibeƹƹeḏ minzi ggwḏen aṭṭas. Inya ḏi ṯɣarrabut iƹqeb ssenni.

Luqa 8:28

Wami yufa Ƹisa ḏinni ibḏa isnekkar ṯɣuyyeṯ, iwḍa ɣar iḍaren n Ƹisa indeq-d s yijjen n ṯmijja ṯuƹȓa inna-as: "A Ƹisa a Mmis n Arebbi Yuƹȓan, min ṯexseḏ zzayi? Tettareɣ zzayek ḥima war ḏayi tƹeddibeḏ ca!"

Matta 4:24

Iffeɣ ȓexbar nnes ḏi Surya amen-ṯekmaȓ. Tawin-d ɣares marra yinni iheȓcen tƹeddaben s lʼanwaƹ n ȓehȓacaṯ ḏ ȓeḥȓiqaṯ, mkuȓ imaryaḥen ḏ imejnunen ḏ inecrufen netta isgenfa-ṯen.

Luqa 8:39

"Ƹqeb ɣar ṯeddarṯ nnec, sxebbar-iṯen s min ḏac igga Arebbi." Iruḥ uryaz nni ibḏa itxebbar ḏi ṯendint ṯekmaȓ zi min ḏas igga Ƹisa.