Luqa 8:28 - Ṯarifiṯ 2020

²⁸ Wami yufa Ƹisa ḏinni ibḏa isnekkar ṯɣuyyeṯ, iwḍa ɣar iḍaren n Ƹisa indeq-d s yijjen n ṯmijja ṯuƹȓa inna-as: "A Ƹisa a Mmis n Arebbi Yuƹȓan, min ṯexseḏ zzayi? Tettareɣ zzayek ḥima war ḏayi tƹeddibeḏ ca!"

Luqa 8:28 Referans Kwoze

Matta 8:29

Ƹeyyḍen nnan-as: "Min ṯexseḏ zzayneɣ a Mmis n Arebbi? Ma ṯusiḏ-d aḏaneɣ ṯƹeddbeḏ qbeȓ i ȓweqṯ?"

2 Buṭrus 2:4

Iwa cuf, qa Arebbi war iḥinn ca x lmalaʼikaṯ wami ṯ ƹṣant, iruḥ iqenn-iṯent s snaseȓ inḍar-iṯent ḏeg yijjen n ṯaǧest ḏ ṯabercant ḏi lʼaxira mani ɣa rajant Yum Lḥisab ḏ Lƹiqab.

Lwaḥi 20:10

Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

Yaƹqub 2:19

Cek tamneḏ belli Arebbi netta ḏ ijjen? Iwa mliḥ, walakin uȓa ḏ ccayaṭin tamnen s manayenni terjijin.

Luqa 8:27

Wami yuweḍ Ƹisa ɣar ȓbarr iȓqa-ṯ-iḏ ijjen n bnaḏem zi ṯendint ḏayes jnun. Netta aṭṭas zeg wami war yarreḍ bu warruḍ war izeddeɣ ca ḏi ṯeddarṯ, izeddeɣ ḏeg imeḍȓan.

Luqa 8:29

Inna manaya minzi Ƹisa tuɣa yumar jjenn nni aƹeffan ḥima aḏ iffeɣ zeg uryaz nni. Ƹaweḏ minzi jjenn nni iteṭṭef-iṯ aṭṭas n ṯwaȓaṯin. Waxxa teqqnen-as ifassen ḏ iḍaren nnes s snaseȓ ḥeṭṭan-ṯ, itrezza-ṯent indeh-iṯ jjenn nni ɣar ȓexȓa.