Luqa 8:10 - Ṯarifiṯ 2020

¹⁰ Inna-asen: "Itwasmeḥ i kenniw aḏ tessnem min inuffaren ḏi ȓmulk n Arebbi, walakin i yiwḏan nneɣni lla. Ssawaȓeɣ akiḏsen s ȓemƹani ḥima aḏ xzaren walakin war twiȓin ca, ḥima aḏ sȓen walakin war fehhmen i ca.

Luqa 8:10 Referans Kwoze

Marqus 4:11

Inna-asen: "Itwasmeḥ i kenniw aḏ tessnem min inuffaren ḏi ȓmulk n Arebbi. Yinni zi barra marra tas-asen-d s ȓemƹani waha:

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Matta 16:17

Ȓexddenni inna-as Ƹisa: "Ssaƹḏ nnec a Simƹan a mmis n Yuna! War iǧi bu ḏ ca n bnaḏem iy ḏac d ismeḍharen manaya menɣir Baba iǧan ḏeg ujenna.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

1 Ayṯ-Kurinṯ 12:11

Marra ṯimesȓayin-a ṯina twasxeddament s ufus n yijjen n Arruḥ wanita. Ifareq-iṯent i kuȓ ijjen waḥḏes mammec ixes netta.

Yuḥanna 12:40

Marqus 4:12

"