Luqa 5:26 - Ṯarifiṯ 2020

²⁶ Marra ḏehcen ḏi manaya ḥemmḏen Arebbi, ggwḏen aṭṭas nnan: "Nhara neẓra ṯimesȓayin seḏhacent aṭṭas!"

Luqa 5:26 Referans Kwoze

Matta 9:8

Wami ẓrin yiwḏan manayenni, ggwḏen ḥemḏen Arebbi x ssulṭa iy ḏasen iticc i yiwḏan.

Luqa 7:16

Marra ggwḏen semɣaren Arebbi nnan: "Imeḍhar-d jaraneɣ ijjen n nnabi ḏ ameqqran. Arebbi ifqeḏ ccaƹb nnes!"

Ȓexḏayem 4:21

Arnin siggwḏen-ṯen, ȓexddenni ḍeȓqen-asen. War ufin mammec ḏasen ɣa ggen aṯen ƹaqben minzi marra iwḏan ḥemmḏen Arebbi x min iweqƹen.

Luqa 8:37

Uca ttaren zi Ƹisa marra ayṯbab n jjiheṯ n ijariṯiyen ḥima axasen ibeƹƹeḏ minzi ggwḏen aṭṭas. Inya ḏi ṯɣarrabut iƹqeb ssenni.

Luqa 5:8

Simƹan Buṭrus wami iẓra manaya yusa-d iwḍa ɣar iḍaren n Ƹisa inna-as: "A Siḏi, beƹƹeḏ xafi nec ḏ lƹaṣi."

Marqus 2:12

Ȓexddenni ibedd x iḍaren nnes iysi ṯassuṯ nnes iffeɣ zzaṯ i yiwḏan marra. Qqimen kuȓci ḏehhcen ḥemmḏen Arebbi nnan: "Ƹemmarṣ ma neẓra manaya iwqeƹ zi qbeȓ."

Matta 28:8

Kkarent niṯenti ruḥent ḏeɣya zeg unḍeȓ nni, ggwḏent walakin farḥent aṭṭas. Tazzȓent aḏ ssiwḍent ȓexbar-a ɣar imeḥḍaren n Ƹisa.

Matta 12:23

Qqimen ȓɣaci nni tƹejjben marra nnan: "Maci ḏ wanita ig iǧan ḏ Mmis n Dawed niɣ?"

Ayṯ-Galaṭya 1:24

Ssenni uca ḥemmḏen Arebbi xafi.

Luqa 1:65

Ggwḏen marra jjiran. Bḏan ssawaȓen yiwḏan x marra manaya ḏi marra iḏurar n ṯmurṯ n Yahuḏiya.